قازاقستانداعى اتا-انالار كىتاپ وقي ما؟

نۇر-سۇلتان. قازاقپارات - ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى اتا-انالار اراسىندا وزدەرى ءۇشىن كىتاپ وقيدى ما، جوق پا دەگەن سۇراق بويىنشا ساۋالناما ناتيجەسىن جاريالادى، دەپ حابارلايدى قازاقپارات.

قازاقستاندا 11 مىڭعا جۋىق كىتاپحانا بار. 2021-جىل - قازاقستاندا بالالار مەن جاس وسپىرىمدەردىڭ كىتاپ وقۋىن قولداۋ جىلى بولىپ جاريالاندى، ونىڭ شەڭبەرىندە بۇكىل ەل بويىنشا ءبىرقاتار ءتيىستى ءىس-شارالار جوسپارلانعان.

ءداستۇرلى كىتاپحانالىق قىزمەتپەن قاتار، قازاقستاندا ۇلتتىق ەلەكتروندى كىتاپحانانىڭ جۇمىسى جەتىلدىرىلۋدە. دەگەنمەن، اتا-انالاردىڭ مەكتەپتەرگە، مۇعالىمدەرگە دەگەن نارازىلىعى تۋرالى ۇنەمى ەستۋگە تۋرا كەلەدى، الايدا... بارلىعى وتباسىنان باستالادى. ءبىلىم بەرۋدىڭ ەڭ جاقسى ءتاسىلى - ول جەكە مىسال كورسەتۋ ەكەنى بۇرىننان بەلگىلى.

كىتاپ وقۋ تۇرعىسىنان قازاقستاندىقتار بالالارىنا قانداي ۇلگى كورسەتىپ جاتىر؟

رەسپۋبليكالىق الەۋمەتتىك زەرتتەۋ ناتيجەلەرىنە سايكەس، نەكەدە تۇرعان ءار ەكىنشى رەسپوندەنت ەشقاشان كىتاپ وقىمايدى. ۇيلەنگەن رەسپوندەنتتەردىڭ تەك %5,0 كۇن سايىن كىتاپ وقيدى.

كىشكەنتاي جانە ەرەسەك بالالارى بار، ەشقاشان كىتاپ وقىمايتىن رەسپوندەنتتەردىڭ ۇلەسى وتە جوعارى: وتباسىلارىندا 4 جانە ودان كوپ بالاسى بارلاردىڭ - %43,7؛ ءبىر بالاسى بارلاردىڭ - %53,7؛ ال كامەلەتكە تولعان بالالارى بار رەسپوندەنتتەردىڭ %56,3 ى كىتاپ وقىمايدى.