ازاماتتاردىڭ ايتا المايتىن ءسوزى

نۇر-سۇلتان. قازاقپارات - قازاقتا «ەر بالا جىلامايدى»، «سەن باتىرسىڭ عوي»، «جىگىت كوپ سويلەمەيدى» دەپ ۇلىن كوبىنە تۇيىق ەتىپ تاربيەلەيدى.

سودان كوپ ەر ادام ءىشى سايراپ تۇرعانىمەن، سىرتىنا شىعارىپ ىشىندەگىنى ايتا المايدى. ەگەر بارلىق ەر ادام ايەلىنە اشىلىپ سىرىن ايتسا، بىلاي دەر ەدى.

ماعان ەشقانداي مىندەت جۇكتەمە. تەك ءار ءىسىمدى قولداپ، سەنىم ارتىپ وتىرساڭ بولعانى.

مەنى ورايىن تاۋىپ ماقتاپ قوي، ءبىراق وتىرىك كولگىرسىپ جاتساڭ، سەزىپ قويامىن.

ارامىز قانشا جاقىن بولسا، سونشا قاشىق تا بولسىن، ياعني ءوز ەركىممەن ءومىر سۇرۋگە دە مۇمكىندىك بەر. ساعىنىسىپ قاۋىشاتىنداي ارامىزدا جول تۇرسىن.

مەنى وزگەرتەمىن دەپ اۋرە بولما. ەكەۋمىزدىڭ دە ءوز كوزقاراسىمىز بار.

قاتتى قىسىپ قۇشاقتا، ءبىراق تۇنشىقتىرما.

وزگەلەرمەن اڭگىمەلەسكەندە مەنىڭ ءار ءسوزىمدى قولداپ وتىر، ءبىراق مەنىڭ اتىمنان جاۋاپ بەرمە.

ۇنامايتىن تۇسىمدى دا قابىلداي ءبىل. سوندا بىرگە مينۋستى پليۋسكە اينالدىرامىز.

مەنى قالتقىسىز تىڭدا. ءبىراق ءار سوزىمنەن ءمىن ىزدەمە.

سەنىڭ پىكىرىڭدى سۇراسام، ءوزىڭدى اقىلدى كورسەتىپ، مەنىڭ الدىمدا كوسەمسىمە. جاي عانا كوزقاراسىڭدى ءبىلدىر. ءبارىبىر سوڭعى شەشىمدى ءوزىم قابىلدايمىن.

ءار كەز ماعان دەمەۋ بول. ءبىراق مەنىڭ ماسەلەمدى موينىڭا ءىلىپ الىپ، ونى ءوزىم شەشەمىن دەپ تىراشتانبا.

بارىنشا قامقور بولىپ، مەيىرىمىڭدى توك. ءبىراق بالاسىنا قاراعان اناداي تىم وبەكتەمە.

بۇل سوزدەردى ءبىرى سىيلاعاننان، ءبىرى باتا الماعاننان ايتا الماۋى مۇمكىن. الايدا ءار ايەل زاتىنىڭ ءبىلىپ جۇرگەنى ابزال. ەر ادام جارىنىڭ باستاپقى قالپىندا وزگەرىسسىز قالعانىن قالايدى. ال ايەل زاتى ۇنەمى ەر ازاماتىن جاقسى جاعىنا وزگەرتۋگە تىرىسىپ وتىرادى. قۇپياسى سول، ەر ادام ونى زايىبى بار قالپىندا قابىلداي العان كەزىندە عانا وزدىگىنەن جاقسى جاققا وزگەرۋگە تالپىنادى.

كەلىسەسىزدەر مە، ازاماتتار؟

massaget.kz