مامان جۇكەمبايەۆتىڭ جەڭىلىسىنە نە سەبەپ بولعانىن ايتتى
مۇنداي پىكىردى Vesti.kz تىلشىسىمەن بولعان اڭگىمە بارىسىندا Boxingtalk.com شولۋشىسى يۆان مونتيەل ءبىلدىردى.
مامان باتىردىڭ پۋەرتوريكولىق سابريەل ماتياسقا (17-1، 17 ك و) جىبەرگەن ەسەسى مەن ونىڭ بولاشاعى تۋرالى ءسوز قوزعادى.
«ماتياس جۇكەمبايەۆتى ەسەڭگىرەتىپ تاستادى. ونىڭ فيزيكالىق كۇشى قازاقستاندىقتىڭ تەحنيكاسى مەن جىلدامدىعىنان باسىم ءتۇستى. كەي ساتتەردە جۇكەمبايەۆ جاقسى جۇدىرىقتاستى. الايدا ول كوپتەگەن اۋىر سوققىلاردى جىبەرىپ الىپ، قاتەلىكتەر جىبەرە باستادى. ماتياس ءوزىنىڭ ۇلكەن جەكپە-جەكتەرگە دايىن ەكەنىن كورسەتتى. ول جىلدام ويىن ورنەگىن كورسەتتى دە، قارسىلاسى وعان ىلەسە المادى. قازاقستاندىقتىڭ كومانداسى كەزدەسۋدى ارى قاراي جالعاستىرماۋ تۋرالى دۇرىس شەشىم قابىلدادى. ارى قاراي جۇكەمبايەۆقا قارسى ورنى تولماس قاتەلىك جاساۋى مۇمكىن ەدى. مەنىڭشە باتىر وزىنە قايتا كەلىپ، قاتەلىكتەرىمەن جۇمىس ىستەۋى كەرەك. ارى قاراي جاقسى ناتيجەگە جەتۋ ءۇشىن ول ءوز ويىنىن جاقسارتۋى ءتيىس. ۋاقىت وتە كەلە ول تاعى ءبىر مۇمكىندىك الا الادى» - دەدى مونتەل.
ولاردىڭ كەزدەسۋى 30- مامىر كۇنى لوس-اندجەلەس قالاسىندا ءوتتى. جەكپە-جەك 12 راۋندقا جوسپارلانعان بولاتىن. ءتورتىنشى راۋندتا ماتياس جۇكەمبايەۆتى نوكداۋنعا ءتۇسىردى، ال سەگىزىنشى راۋندتان كەيىن قازاقستاندىق سپورتشىنىڭ كومانداسى كەزدەسۋدى جالعاستىرۋدان باس تارتتى.
بۇل باتىردىڭ مانسابىنداعى العاشقى جەڭىلىس، ال كەزدەسۋ ونىڭ ا ق ش- تاعى دەبيۋتى ەدى.
