ماۋسىم ايىندا اۋا رايى قانداي بولادى؟

نۇر-سۇلتان. قازاقپارات - قازگيدرومەت ماۋسىم ايىنا ارنالعان اۋا رايى بولجامىن جاريالادى، دەپ حابارلايدى قازاقپارات.

ماۋسىم - تاۋلىكتىڭ جارىق بولىپ تۇراتىن ەڭ ۇزاق ايى. ماۋسىم ايىندا رەسپۋبليكانىڭ بارلىق اۋماعىندا جازعى اۋا رايى بولادى. ورتاشا تاۋلىكتىك اۋا تەمپەراتۋراسىنىڭ 20 گرادۋس تۇراقتى اۋىسۋى رەسپۋبليكانىڭ باسىم بولىگىندە ماۋسىم ايىندا، شەتكى وڭتۇستىكتە مامىر ايىندا، شەتكى سولتۇستىكتە شىلدە ايىنىڭ ءبىرىنشى ون كۇندىگىندە ورىن الادى.

ورتاشا تاۋلىكتىك اۋا تەمپەراتۋراسىنىڭ جوعارى بولۋىنا قاراماستان، جىلدار بويعى مالىمەتتەرگە سايكەس، ماۋسىم ايىندا 5 گرادۋسقا دەيىن ۇسىك ءجۇرۋى مۇمكىن. ەڭ سوڭعى ۇسىك ماۋسىمنىڭ ءۇشىنشى ون كۇندىگىندە سولتۇستىك وبلىستاردا جانە ورتا تاۋ ايماعىندا 10 جىلدا 1-2 رەت بايقالادى.

كونسۋلتاتيۆتىك بولجامعا سايكەس، 2021-جىلعى ماۋسىمدا قازاقستاننىڭ باسىم بولىگىندە جوعارى قىسىمنىڭ باسىم اسەرىمەن جانە يران اۋداندارىنان جىلى اۋا ماسسالارىنىڭ شىعارىلۋىمەن اۋا تەمپەراتۋراسىنىڭ جوعارىلاۋى كۇتىلەدى.

وسىلايشا، رەسپۋبليكانىڭ كوپ بولىگىندە اۋانىڭ ورتاشا ايلىق تەمپەراتۋراسى نورمادان 1 گرادۋس جوعارى، تەك ەلدىڭ باتىس بولىگىندە كليماتتىق نورماعا جاقىن بولادى دەپ بولجانۋدا. ايدىڭ باسىندا رەسپۋبليكانىڭ باسىم بولىگىندە تسيكلوننىڭ اسەرىنەن 15-25 م/س دەيىنگى قاتتى نوسەر جاڭبىر، نايزاعاي، بۇرشاق جانە قاتتى جەل، ەلدىڭ وڭتۇستىك وڭىرلەرىندە شاڭدى داۋىل كۇتىلەدى.

تەمپەراتۋرالىق اياعا الدىمەن قازاقستان رەسپۋبليكاسىنىڭ باتىس وڭىرلەرىنە، سودان كەيىن شىعىس باعىتىنا باعدارلاناتىن سولتۇستىك تسيكلون اسەر ەتەدى، رەسپۋبليكانىڭ باسقا وڭىرلەرىنە دە سالقىن اكەلەدى. وسىعان بايلانىستى ەلدىڭ سولتۇستىگىندە، ورتالىعىندا جانە شىعىسىندا اۋا تەمپەراتۋراسىنىڭ قىسقا مەرزىمدى تومەندەۋى بولجانادى، وندا تۇنگى ۋاقىتتا تەرمومەترلەر +2+10 گرادۋسقا دەيىن، كۇندىز +12+17 گرادۋسقا دەيىن تومەندەيدى.

ايدىڭ ءبىرىنشى ونكۇندىگىندە رەسپۋبليكانىڭ باتىسىندا اۋا تەمپەراتۋراسىنىڭ تۇندە +10+17 گرادۋستان +15+21 گرادۋسقا دەيىن، كۇندىز +20+25 گرادۋستان +25+32 گرادۋسقا دەيىن اۋىتقۋى كۇتىلەدى.

ءبىر اي ىشىندە ق ر سولتۇستىك، ورتالىق جانە شىعىس وڭىرلەرىندە جىلۋ تولقىنى كەزىندە كۇندىزگى اۋا تەمپەراتۋراسى +30+38 گرادۋسقا دەيىن، جەكەلەگەن اۋدانداردا +42 گرادۋسقا دەيىن؛

ەلدىڭ وڭتۇستىك-باتىسىندا، وڭتۇستىگىندە جانە وڭتۇستىك- شىعىسىندا +35+43 گرادۋسقا دەيىن، جەكەلەگەن اۋدانداردا +45 گرادۋسقا دەيىن كوتەرىلەدى.

سۋىق اۋا ماسسالارىنىڭ اسەرىنەن سولتۇستىك اتلانتيكا ايماقتارىنان سۋىق اۋا ماسسالارىنىڭ قايتارىلۋى جوققا شىعارىلمايدى. ماۋسىم ايىندا نەگىزىنەن قىسقا مەرزىمدى جاۋىن-شاشىن، 15-20 م/س دەيىن ەكپىندى جەل، شاڭدى جەل كۇتىلەدى، بۇرشاق جاۋۋى ىقتيمال.

جاۋىن-شاشىن مولشەرى ق ر اۋماعىنىڭ باسىم بولىگىندە نورماعا جۋىق، رەسپۋبليكانىڭ وڭتۇستىك-باتىسىندا جانە ورتالىق بولىگىندە نورمادان از بولجانادى.