17:59, 01 - ماۋسىم 2021 | GMT +5
قىتايدا ادامنىڭ العاش رەت قۇس تۇماۋىن جۇقتىرۋ فاكتىسى انىقتالدى
بەيجىڭ. قازاقپارات - قىتايدىڭ شىعىسىنداعى جياڭسۋ پروۆينتسياسىندا، چجەنتسزيان قالاسىندا ادامنىڭ H10N3 قۇس تۇماۋى شتامىن جۇقتىرۋ فاكتىسى انىقتالدى.
بۇل تۋرالى قىتايدىڭ دەنساۋلىق ساقتاۋ ىستەرى جونىندەگى مەملەكەتتىك كوميتەتى ءمالىم ەتتى، دەپ حابارلايدى قازاقپارات ءتىلشىسى.
«41 جاستاعى ەر ادام 23- ءساۋىر كۇنى دەنە قىزۋىنىڭ كوتەرىلۋىنەن قالتىراي باستاعان. سونىمەن قاتار باسقا سيمپتومدار دا بەلگى بەرگەن. 28- ءساۋىر كۇنى ول اۋرۋحاناعا تۇسكەن. قازىرگى كەزدە ناۋقاستىڭ جاعدايى قالىپتى، اۋرۋحانادان شىعۋعا بولاتىن ستاندارتتارعا ساي»، - دەدى دەنساۋلىق ساقتاۋ جونىندەگى مەملەكەتتىك كوميتەت.
28- مامىر كۇنى قىتاي اۋرۋلاردى باقىلاۋ جانە الدىن الۋ ورتالىعى جۇرگىزگەن زەرتتەۋ بويىنشا H10N3 ۆيرۋسىن جۇقتىرۋ فاكتىسى راستالدى.
