الماتىدا ۆاكسينا العاندار اراسىنداعى ۇتىس ويىنىنىڭ جەڭىمپازدارى انىقتالدى

الماتى. قازاقپارات- الماتىدا ساۋدا ۇيىندە كوروناۆيرۋسقا قارسى ۆاكسينا العاندارعا باعالى سىيلىقتار مەن سەرتيفيكاتتار تاپسىرىلدى، دەپ حابارلايدى قازاقپارات ءتىلشىسى.

22-31 - مامىر ارالىعىندا ساۋدا ءۇيىنىڭ ەگۋ پۋنكتىنە كەلىپ كوروناۆيرۋسقا قارسى ۆاكسينا سالدىرعاندار، ۇتىس ويىنىنا قاتىسۋعا مۇمكىندىك الدى. ۇيىمداستىرۋشىلاردىڭ ايتۋىنشا، جەڭىمپازدار كەزدەيسوق تاڭدالدى.

بارلىعى 5 جۇلدە ويناتىلدى: ІРhonе 12 سمارتفونى، Samsung Galaxy A02 تەلەفونى، Starbucks جەلىسىنەن، Wendy's مەيرامحاناسىنا سەرتيفيكاتتار، سونداي- اق كادەسىيلار ورتالىعىنان سەرتيفيكاتتار بەرىلدى. باس جۇلدە ІРhonе 12 سمارتفونىن الماتىلىق داريا سۋرگۋتانوۆا ۇتىپ الدى.

«مەن كوروناۆيرۋسقا قارسى ۆاكسينانى سىيلىق ۇتىپ الۋ ءۇشىن سالدىرعان جوقپىن. بۇل - مەنىڭ سانالى تاڭداۋىم. ءوزىمنىڭ جانە جاقىندارىمنىڭ اۋىرعانىن قالامايمىن. مەنىڭ ويىمشا، بۇل - كەرەمەت مۇمكىندىك. تەگىن ۆاكسينا الىپ، اۋرۋعا قارسى تۇرۋ ءبارىمىزدىڭ قولىمىزدان كەلەدى. سوندىقتان مەن قالا تۇرعىندارىن ەكپە الۋعا شاقىرامىن»، - دەدى داريا سۋرگۋتانوۆا.

«سۋم» ساۋدا ۇيىندە ۆاكسينا سالدىرعانداردىڭ بارىنە كيىم، اياق كيىم، ساعاتتار، ۇيالى تەلەفوندار، اكسەسسۋارلار، زەرگەرلىك بۇيىمداردى ساتىپ الۋعا ۇلكەن جەڭىلدىكتەر قاراستىرىلعان.

ايتا كەتەيىك، قالادا Qamqor اكسياسى جۇمىس ىستەيدى. قالا تۇرعىندارى مەن قوناقتارى ۆاكسينا العانى تۋرالى ءتولقۇجاتىن كورسەتكەن كەزدە كاسىپكەرلەردەن تاۋارلار مەن قىزمەتتەرگە جەڭىلدىكتەر الا الادى.

اۆتور: الما مۇقانوۆا