الماتى وبلىسىندا اۋىل تۇرعىنىنا وق اتىپ، قاشىپ جۇرگەن جىگىت ۇستالدى

تالدىقورعان. قازاقپارات - الماتى وبلىسىنىڭ شالقار اۋىلىندا ءبىر اي بۇرىن كوشەدە مىلتىقپەن وق اتىپ، وقيعا ورنىنان بوي تاسالاپ جۇرگەن كۇدىكتى ۇستالدى، دەپ حابارلايدى قازاقپارات ءتىلشىسى.

ول سول كۇنى 62 جاستاعى اۋىل تۇرعىنىن اياعىنان جارالاعان بولاتىن. الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 25 - ءساۋىر كۇنى تۇندە ول قىزىن ىزدەۋگە شىعىپ، اۋىلدا وق اتقان. وقيعا ورنىندا زەينەتكەر اياعىنان اۋىر جاراقات الىپ، كەيىن ءبىر اياعىن كەستىرگەنى بەلگىلى بولدى.

«وق اتقان قاسكەلەڭ قالاسىنىڭ 29 جاستاعى ازاماتى بولىپ شىقتى. ق ر ق ك 99-بابى، ياعني ادام ولتىرۋگە وقتالۋ دەرەگى بويىنشا ءىس قوزعالىپ، كۇدىكتىگە ىزدەۋ جاريالاندى. 31 -مامىر كۇنى ءار جەردە جاسىرىنىپ، قاشىپ جۇرگەن كۇدىكتى تۇرار اۋىلىندا قولعا ءتۇسىپ، قاماۋعا الىندى. سول كۇنى ول ءوزىنىڭ بۇل ارەكەتىنە الكوگولدى ىشىمدىك ىشكەننەن كەيىن بارعانىن مويىنداعان. باسقا اقپارات ق ر ق پ ك 201 بابىنا سايكەس جاريالانبايدى» دەلىنگەن ۆەدومستۆونىڭ حابارلاماسىندا.

اۆتور: سامال قابىشيەۆا