مالىك مىرزالين: مۇعالىمدەر مەن فەلدشەرلەر دە اكىم سايلاۋىنا تۇسە الادى
«تەك مەملەكەتتىك قىزمەتشىلەر عانا ەمەس، مەكتەپ ديرەكتورلارى، ونىڭ ورىنباسارلارى، ءتىپتى مۇعالىمدەر مەن فەلدشەرلەر ءوز سالاسىندا 6 جىلدان ارتىق ىستەسە، سايلاۋعا تۇسە الادى. فەرمەرلىك شارۋاشىلىق باسشىلارى تۋرالى دا وسىنى ايتۋعا بولادى. وكىنىشكە قاراي، ساراپشىلار قاۋىمداستىعى وسى ماسەلەنى ءسال دۇرىس تۇسىنبەي جاتىر. بىلىكتىلىك تالابىنىڭ 9 نۇسقاسى بار. كانديدات سول توعىز نۇسقانىڭ بىرىنە سايكەس كەلۋى كەرەك. ءيا، مەملەكەتتىك قىزمەت تۋرالى تالاپ بار. ءبىراق تاعى ءبىر تالاپ بويىنشا، مەملەكەتتىك قىزمەتتە ەڭبەك ءوتىلى بولماسا دا، اكىم بولا الاتىنى جازىلعان. عىلىمي دارەجەسى بار ادامدار مەملەكەتتىك قىزمەتتە ءوتىلى بولماسا دا، اكىم بولا الادى. پرەزيدەنتتىك جاستار كادر رەزەرۆىندە تۇرعان بالالارعا دا مۇمكىندىك قاراستىردىق»، - دەيدى پرەزيدەنت اكىمشىلىگى باسشىسىنىڭ ورىنباسارى.
ەسكە سالساق، پرەزيدەنت قاسىم- جومارت توقايەۆ سايلاۋ تۋرالى كونستيتۋتسيالىق زاڭعا وزگەرتۋلەر مەن تولىقتىرۋلار ەنگىزۋدى كوزدەيتىن قۇجاتقا قول قويعان بولاتىن.
