ارگەنتينادا كوروناۆيرۋس ءورشىپ تۇر

نۇر- سۇلتان. قازاقپارات - ارگەنتينادا covid-19 ۆيرۋسىن جۇقتىرۋشىلار سانى ارتىپ كەلەدى، - دەپ حابارلايدى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىنا سىلتەمە جاساپ.

ونداعى مالىمەتتەرگە قاراعاندا، وتكەن تاۋلىكتە ارگەنتينادا كوروناۆيرۋس جۇقتىرۋدىڭ 20 مىڭنان استام جاعداي انىقتالدى.

ارگەنتينانىڭ دەنساۋلىق ساقتاۋ مينيسترلىگىنىڭ مالىمەتىنشە، سوڭعى 24 ساعات ىشىندە ۆيرۋس جۇقتىرعانداردىڭ سانى 21 436 جاعدايعا ارتتى. ناتيجەسىندە SARS- CoV-2 تاسىمالداۋشىلارىنىڭ جالپى سانى 3 753 609 قۇرادى.

پاندەميا باستالعاننان بەرى ارگەنتينادا COVID-19-دان قايتىس بولعاندار سانى 77456 ادامعا جەتتى.

ەپيدەميالىق جاعدايدىڭ ناشارلاۋىنا بايلانىستى ارگەنتينا بيلىگى مامىر ايىنىڭ سوڭىنا دەيىن قاتاڭ لوكداۋن ەنگىزدى.