قازاقتىڭ باۋىرىندا تاربيەلەنگەن نەمىس بالاسى
ونىڭ ءبىرى - كوكپەكتى اۋدانىنىڭ تۇرعىنى اندرەي ەلەنبەرگتىڭ اكەسى. جالعىز قالعان نەمىس بالاسىن قازاق وتباسى اسىراپ الىپ، باعىپ- قاققان. اندرەي ەلەنبەرگ 1941 -جىلى وتباسىمەن بىرگە رەسەيدەن كۇشتەپ قونىس اۋدارىلعان. الايدا تۋعاندارى جولدا جان تاپسىرىپ، نەمىستىڭ بالاسى جەتىم قالدى.
قازاق اۋىلىندا ءۇي- ءۇيدى ارالاپ، جانى اشىعان جانداردىڭ بەرگەن تارى- تالقانىمەن كۇن كورىپ جۇرگەن جەرىنەن ونى قايشەكە يبرايم قىزى باۋىرىنا باسىپ، اسىراپ العان.
عاليا مۇقاجانوۆا، اندرەيدىڭ اپكەسى:
- قايشەكە اپا اندرەيدى تۋعان بالاسىنداي تاربيەلەپ، ۇلى قۇسمانمەن تەلدەي وسىرەدى.
ال اندرەيدىڭ بالاسى اندرەي ءوزىڭ قازاقپىن دەپ ماقتان تۇتىپ، ۇلتتىق سالت- ءداستۇردى ۇستانادى. بۇگىندە ول اعايىن، باۋىرلارىمەن جاقىن قارىم- قاتىناستا. ۇلكەن وتباسى داستارحان باسىندا جينالىپ، اجەلەرىن ەسكە الادى. ءوزى جەسىر قالعان بولسا دا، وزگەنىڭ جەتىمىن جىلاتپاعان قايشەكە اپانىڭ ەرلىگىن ەشقاشان ۇمىتپايمىن، دەيدى اندرەي.
باحىتقازى مۇقاجانوۆ، اندرەيدىڭ اعاسى:
- اندرەي ەلەنبەرگ ميروليۋبوۆكا اۋىلىندا قازاق حالقىنىڭ ءداستۇرى بويىنشا جەرلەنگەن. ونىڭ ۇلى دا بۇگىندە وسىندا تۇرادى.
اندرەي ەلەنبەرگ، رەپرەسسيا قۇربانىنىڭ ۇلى:
- تۋىستارىمىز گەرمانياعا كوشىپ جاتقان كەزدە اكەم كوشۋدەن باس تارتتى. وسىندا تۋدىم دەدى. مەن دە كوشپەدىم. سەبەبى قازاقستان - مەنىڭ وتانىم. ق
ازاقستان ساياسي قۋعىن- سۇرگىن جىلدارى كوپتەگەن حالىقتىڭ وتانى بولدى. بۇگىن ءوڭىر تۇرعىندارى سول قيىن كەزەڭنىڭ قۇرباندارىن ەسكە الدى. ونىڭ ىشىندە بەلگىلى قازاق قايراتكەرلەرى، الاشوردالىقتار دا بار. ولارعا وسكەمەن ونەر مۇراجايىندا ارنايى كورمە اشىلدى.
www.24.kz
