جۋسان وپەراتسياسىمەن ەلگە ورالعان بالالاردىڭ جاعدايى قانداي
بۇل جاعىمدى جاڭالىقتى ورتالىق كوممۋنيكاتسيالار قىزمەتىندە وتكەن بريفينگىدە بالالاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى يۋليا وۆەچكينا ايتتى.
«بىلتىر انا مەن بالا قۇقىعىن قورعاۋ ماسەلەلەرى تۋرالى زاڭ جوباسىنىڭ اياسىندا ءبىلىم سالاسىنداعى ۋاكىلەتتى ورگان رەتىندە ءبىزدىڭ كوميتەتكە ءتيىستى قۇزىرەت بەرىلگەن بولاتىن. سول قۇزىرەت بويىنشا تەرروريستىك ارەكەتتەردەن زارداپ شەككەن بالالاردى الەۋمەتتىك وڭالتۋ ەرەجەلەرىن دايىنداۋعا مىندەت العانبىز. بىلتىر قىركۇيەكتە سول ەرەجەلەردى قابىلداعان ەدىك. تەرروريستىك قاقتىعىس الاڭدارىنان قايتارلىعان بالالارعا كورسەتىلەتىن كومەكتىڭ ءتۇرى مەن كولەمى وسى ەرەجەدە قاراستىرىلعان»، - دەيدى كوميتەت وكىلى.
يۋليا وۆەچكينانىڭ ايتۋىنشا، اتالعان ەرەجە بويىنشا تەرروريستىك قاقتىعىستار اۋماقتارىندا بولعان بالالارعا ءبىلىم بەرۋ، قۇقىقتىق، الەۋمەتتىك قىزمەتتەر كورسەتۋ مەملەكەت ەسەبىنە جۇرگىزىلەتىنى ناقتى كورسەتىلگەن.
«بۇگىندە قايتارىلعان بالانىڭ ءاربىرى جەكە باقىلاۋعا الىنعان. ءار بالاعا الەۋمەتتىك وڭالتۋ جەكە جوسپارى جاسالعان. ءار بالامەن تاجىريبەلى پەداگوگتارمەن پسيحولوگتار ۇمىس ىستەپ جاتىر. تەك بالالارمەن عانا ەمەس، ولاردىڭ وتباسىمەن جۇمىس ىستەيدى. وسىنداي الالارى بار ءار وتباسىنىڭ جاعدايىن، پروبلەماسىن جاقسى بىلەمۋىز دەۋگە بولادى»، - دەدى كوميتەت ءتوراعاسىنىڭ ورىنباسارى.
سونىمەن قاتار، يۋليا وۆەچكينا «جۋسان» ارقىلى ەلگە جەتكەن بالالار قازىردىڭ وزىندە بەلگىلى ءبىر جەتىستىكتەرگە جەتە باستاعانىن ايتتى «جۋسان» ارقىلى كەلگەن بالالاردىڭ ءبارى مەكتەپ پەن بالاباقشاعا بارىپ ءجۇر. وڭالتۋعا الىنعان بالالاردىڭ 40 پايىزى ۇزدىك جانە وزات وقۋشىلار قاتارىنا قوسىلعانىن ءبىلىپ، قۋانىپ جاتىرمىز. اراسىندا وليمپيادا جۇلدەگەرلەرى، ءتۇرلى شىعارماشىلىق بايقاۋلاردىڭ، سپورتتىق كونكۋرستاردىڭ جەڭىمپازدارى بار ەكەنىن ماقتانشىپەن ايتىپ ءجۇرمىز»، - دەدى ۆەدومستۆو وكىلى.
اۆتور: ەسىمجان ناقتىباي
