شىمكەنتتە تۇرعىن ۇيلەردىڭ بىرىنەن ەكى جىلان شىقتى - ۆيدەو

شىمكەنت. قازاقپارات - شىمكەنت قالاسى قازىعۇرت شاعىناۋدانىنداعى تۇرعىن ۇيلەردىڭ بىرىنەن ەكى جىلان شىقتى، دەپ حابارلايدى قازاقپارات ءتىلشىسى.

باۋىرىمەن جورعالاۋشىلاردان قورقىپ قالعان تۇرعىندار قۇتقارۋشىلاردى كومەككە شاقىرعان. قالالىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، تۇرعىن ۇيگە جىلان كىرگەنى تۋرالى حابارلاما تۇنگى ساعات 01.00 شاماسىندا تۇسكەن.

جەدەل-قۇتقارۋ جاساعىنىڭ قۇتقارۋشىلارى وقيعا ورنىنا كەلىپ جەتكەن. ولار 2 جىلاندى ۇستاپ، قاۋىپسىز جەرگە شىعارىپ تاستاعان. جورعالاۋشىلار كىرەبەرىستەگى ەسىكتىڭ جاقتاۋىنا كىرىپ كەتكەن بولىپ شىقتى. ءبىر جىلاننىڭ ۇزىندىعى ءبىر مەتردەن اسادى. ەكىنشىسى كىشىرەك. قۇتقارۋشىلار ەكەۋىن اناسى مەن بالاسى بولۋى مۇمكىن دەپ وتىر.

ايتا كەتەيىك، اعىمداعى جىلدىڭ مامىر ايىندا قالا اۋماعىندا وسىمەن ەكى ۇيدەن جىلان تابىلىپ وتىر.

اۆتور: اينۇر اقبايەۆا