بوكستان ازيا چەمپيوناتى: قازاقستان قورجىنىنا جەتىنشى التىن مەدال ءتۇستى

نۇر- سۇلتان. قازاقپارات - بوكستان بىرىككەن اراب امىرلىگىنىڭ دۋباي قالاسىندا قىزدار اراسىندا ءوتىپ جاتقان ازيا بىرىنشىلىگىندە قازاقستان قورجىنىنا جەتىنشى التىن مەدال ءتۇستى دەپ حابارلايدى قازاقپارات ءتىلشىسى.

بۇل مەدالعا فاريزا جولتاي (81 كەلى) يە بولدى. ول وزبەكستاندىق سوحيبا رۋزمەتوۆامەن قولعاپ ءتۇيىستىردى. اتالعان جەكپە- جەكتە قازاقستاندىق بوكسشى سەنىمدى ويىن كورسەتتى. ناتيجەسىندە تورەشىلەر جەڭىستى ءبىراۋىزدان فاريزاعا بەردى.

بۇدان بۇرىن قازاقستاندىق قۇراما ساپىنان الۋا بالقىبەكوۆا (48 كەلى)، نازىم قىزايباي (51 كەلى)، دينا جولامان (54 كەلى)، ريمما ۆولوسەنكو (60 كەلى)، ميلانا سافرونوۆا (64 كەلى) جانە ۆالەنتينا حالزوۆا (69 كەلى) التىننان القا تاققان ەدى.

ال ۆالەنتينا كۋحتا (57 كەلى) كۇمىس جۇلدەنى قاناعات تۇتتى.