ماۋسىمدا قازاقستاندىقتار نەشە كۇن دەمالادى؟

نۇر-سۇلتان. قازاقپارات - قازاقستاندىقتاردىڭ ماۋسىم ايىندا نەشە كۇن دەمالاتىنى بەلگىلى بولدى، دەپ حابارلايدى قازاقپارات.

ماۋسىم ايىندا قازاقستاندا مەملەكەتتىك مەرەكەلەر جوق. سوندىقتان تەك اپتانىڭ دەمالىس كۇندەرى عانا تىنىعاتىن بولادى.

اتاپ ايتساق، سەنبى جانە جەكسەنبى كۇندەرى ايدىڭ 5، 6، 12، 13، 19، 20، 26- جانە 27- كۇندەرىنە ءدوپ كەلەدى. وسىلايشا بارلىق دەمالاتىن كۇندەر سانى - 8 بولىپ وتىر.

1- ماۋسىم - حالىقارالىق بالالاردى قورعاۋ كۇنى سەيسەنبىگە سايكەس كەلەدى. دەگەنمەن، ماۋسىم ايىندا مەملەكەتتىك بولماسا دا، ءبىرقاتار كاسىبي مەرەكە مەن ماڭىزدى كۇندەر اتاپ وتىلەدى.

مىسالى، 4- ماۋسىم - ق ر مەملەكەتتىك رامىزدەرى كۇنى، 5- ماۋسىم - ەكولوگ كۇنى، 7- ماۋسىم - مونوپولياعا قارسى ورگان قىزمەتكەرلەرىنىڭ كۇنى، 23- ماۋسىم - پوليتسيا كۇنى.

ماۋسىمنىڭ ەكىنشى جەكسەنبىسىندە جەڭىل ونەركاسىپ قىزمەتكەرلەرى، ال ءۇشىنشى جەكسەنبىسىندە مەديتسينا قىزمەتكەرلەرى كاسىبي مەرەكەلەرىن اتاپ وتەدى.

سونداي-اق، 28- ماۋسىم - قازاقستاندا بۇقارالىق اقپارات قۇرالدارى كۇنى.