ورالدىق وزات تۇلەك نازاربايەۆ ۋنيۆەرسيتەتىنىڭ گرانتىن ۇتىپ الدى
ب ق و ءبىلىم باسقارماسىنىڭ باسپا ءسوز قىزمەتى ءمالىم ەتكەندەي، تاعى ءبىر تۇلەك وتاندىق وقۋ ورنىن تاڭداپ، ماقساتىنا قول جەتكىزىپ وتىر. مەرەيدىڭ سوزىنە قاراعاندا، نازاربايەۆ ۋنيۆەرسيتەتىنە ءتۇسۋدى 11-سىنىپتىڭ باسىندا-اق ماقسات ەتكەن. سودان كەيىن ۋنيۆەرسيتەت تۋرالى تولىق اقپارات جيناقتاپ، ەمتيحاندارىنا دايىندالا باستاعان.
«نازاربايەۆ ۋنيۆەرسيتەتىنە وقۋعا ءتۇسۋ ءۇشىن ەكى ەمتيحاننان ءوتۋ كەرەك، ءبىرىنشىسى اعىلشىننان ءبىلىمىڭدى تەكسەرۋ ماقساتىندا IЕLTS نەمەسە Duolingo English Test تاپسىرۋ قاجەت. مەن Duolingo English Test سىناعىن وتكەن جىلدىڭ جەلتوقسان ايىندا تاپسىرىپ، جوعارى بالل جيناپ، ەكىنشى تۋر NUFYPET- كە ءوتتىم. NUFYPET - بۇل ماڭىزدى، شەشۋشى ەمتيحان، مۇندا ماتەماتيكا جانە سىني تۇرعىدان تەست تاپسىرۋ قاجەت. بۇل تەستكە ەكى اي شاماسىندا دايىندالىپ، قالاعان دەڭگەيدەگى بالل جينادىم. اتالعان تەست ۇ ب ت- دان وزگەشە بولعانىمەن، وعان دايىندالۋ ءوزىم ءۇشىن قىزىقتى بولدى. ەڭ باستىسى، الدىنا ماقسات قويا بىلسە، كىم-كىم ءۇشىن دە الىنبايتىن اسۋ جوق دەپ ويلايمىن»، دەدى مەرەي قوناقبايەۆا.
ەسكە سالا كەتەيىك، بۇدان بۇرىن 140 بالدىق سەرتيفيكاتقا يە بولعان ەكى تۇلەكتىڭ وتاندىق ج و و-نى تاڭداعانىن جازعان بولاتىنبىز.
اۆتور: ەلجان ەرالى
