نۇر-سۇلتاندا كەلەسى اپتادا قانداي مادەني شارالار وتەدى

نۇر-سۇلتان. قازاقپارات - كەلەسى اپتادا ەلىمىزدە بىرنەشە ماڭىزدى كۇن اتالىپ وتەدى.

ناقتىراق ايتقاندا، 31-مامىر - ساياسي قۋعىن- سۇرگىن جانە اشارشىلىق قۇرباندارىن ەسكە الۋ كۇنى، 1-ماۋسىم - حالىقارالىق بالالاردى قورعاۋ كۇنى، ال 4-ماۋسىم – ق ر مەملەكەتتىك رامىزدەر كۇنى. ەلوردادا وسى داتالارعا وراي ءىس- شارالار، كورمەلەر، كونسەرتتەر وتەدى، دەپ حابارلايدى قازاقپارات.

ەلوردا اكىمدىگىنەن ءمالىم ەتكەندەي، شارالاردىڭ دەنى ونلاين فورماتتا ۇيىمداستىرىلادى.

اتاپ ايتقاندا، ساياسي قۋعىن- سۇرگىن جانە اشارشىلىق قۇرباندارىن ەسكە الۋ كۇنى «الجير» مۇراجاي- مەموريالدىق كەشەنى «الجيردىڭ بىرەگەي ەكسپوناتتارى» اتتى ونلاين- كورمەسىن وتكىزەدى. وندا سانكت-پەتەربۋرگ، يەرۋساليم، تەل- اۆيۆ، تبيليسي، الماتى قالالارى بويىنشا زەرتتەۋ ەكسپەديتسيالارى بارىسىندا جينالعان ماتەريالدار ۇسىنىلادى.

سول كۇنى مۋزەيدىڭ الەۋمەتتىك جەلىلەردەگى پاراقشاسىندا ساياسي قۋعىن- سۇرگىن جانە توتاليتاريزم قۇرباندارىن ەسكە الۋ مەموريالىنا جانە «1932-1933 -جىلدارداعى اشارشىلىق قۇرباندارىنا تاعزىم» مونۋمەنتىنە گۇل شوقتارىن قويۋ ءراسىمىن كورۋگە بولادى.

بىرنەشە ساعاتتان كەيىن مۇراجاي عيماراتىندا ەۋروپالىق كەڭەس پەن «الجير» مۇراجايى ۇيىمداستىرعان «توتاليتاريزم قۇرباندارىن ەسكە الۋ - ەۋرووداق پەن قازاقستان اراسىندا جاڭا كوپىر سالۋ» تاقىرىبىندا دوڭگەلەك ۇستەل وتىرىسى وتەدى. حالىقارالىق بالالاردى قورعاۋ كۇنىنە وراي «الجير» مۇراجايى «كارلاگ تۋرالى اقيقات» اتتى ونلاين-كورمەسىن ۇيىمداستىرادى.

سونداي-اق، 1-3-ماۋسىم ارالىعىندا «كارلاگ بالالارى» تۋرالى ءدارىس وتكىزەدى.

4-ماۋسىمدا قازاقستان رەسپۋبليكاسىنىڭ مەملەكەتتىك رامىزدەر كۇنىنە وراي مۇراجايدا «بىرلىك پەن بەيبىتشىلىك نىشاندارى» ۆيرتۋالدى كورمەسى، ال 4 جانە 5-ماۋسىمدا «مەملەكەتتىك رامىزدەر - ەلىمىزدىڭ نىشانى» ءدارىسى وتەدى.

بالالاردى قورعاۋ كۇنىنە وراي، 1-ماۋسىم كۇنى ساعات 15:00-دە «ناز» مەملەكەتتىك بي تەاترى «باقىتتى بولسىن بالالار» كونسەرتتىك باعدارلاماسىن ۇسىنادى.

نۇر-سۇلتان اكىمدىگىنىڭ ورتالىقتاندىرىلعان كىتاپحانالار جۇيەسى دە اتاۋلى كۇندەردەن تىس قالمايدى.

ماسەلەن، 31-مامىردا ميچۋرينو تۇرعىن الابىنداعى №10-بۇقارالىق كىتاپحانادا، سونداي-اق №2-بالالار كىتاپحاناسىندا ساياسي قۋعىن- سۇرگىن جانە اشارشىلىق قۇرباندارىن ەسكە الىپ، سلايدتار مەن كورمە ستەندتەرى بارىسىندا وتكەن عاسىردىڭ زوبالاڭ جىلدارى بولعان وقيعالار تۋرالى ايتىلادى.

1-ماۋسىمدا قالالىق كىتاپحانالاردا بالالارعا ارنالعان ويىن باعدارلامالارىن، سايىستار، ۆيكتورينالار، ەرتەڭگىلىكتەر وتكىزۋ جوسپارلانىپ وتىر.

1-ماۋسىم كۇنى ساعات 19:00-دە نۇر-سۇلتان قالاسىنىڭ مەملەكەتتىك اكادەميالىق فيلارمونياسى ع. جۇبانوۆا اتىنداعى ىشەكتى اسپاپتار كۆارتەتىنىڭ «پود زناكوم بەلى بارتوكا» كونسەرتىنە شاقىرادى.

4-ماۋسىمدا فيلارمونيا ق ر مەملەكەتتىك رامىزدەر كۇنىنە ارنالعان «جەلبىرەگەن كوك تۋىم» كلاسسيكالىق جانە ەسترادالىق ۆوكال ءبولىمىنىڭ كونسەرتىن ۇيىمداستىرادى.

5-ماۋسىم كۇنى تاڭەرتەڭ «استانا» كونسەرت زالىنىڭ ساحناسىندا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان «JANA TOLKYN» بالالار مەن جاسوسپىرىمدەر شىعارماشىلىعىنىڭ I رەسپۋبليكالىق بايقاۋى وتەدى.

1-ماۋسىم كۇنى ساعات 11:00-دە استانالىق سيرك Instagram-داعى رەسمي اككاۋنتىندا (Astanalyqtsirk) سيرك ارتىستەرىنىڭ ونەرىن ونلاين ۇسىنادى. ال ەكى ساعاتتان كەيىن سيرك «دەتي سولنسا» شاراسىن تىكەلەي ەفيردە وتكىزەدى.

ايتا كەتۋ كەرەك، ءىس-شارالاردىڭ بارلىعى سانيتارلىق نورمالاردى ساقتاي وتىرىپ وتكىزىلەدى.