دەمالىس كۇندەرى اۋا رايىنىڭ قانداي بولاتىنى ايتىلدى

نۇر-سۇلتان. قازاقپارات - قازگيدرومەت 29-31- مامىرىنا ارنالعان اۋا رايى بولجامىن جاريالادى، دەپ حابارلايدى قازاقپارات.

اپتانىڭ سوڭىندا اتلانت مۇحيتىنىڭ اۋداندارىنان اۋىسقان انتيتسيكلون ەلدىڭ كوپ بولىگىنە اسەر ەتەدى، وسىعان بايلانىستى جاۋىن-شاشىنسىز اۋا رايى كۇتىلەدى.

30- مامىردان باستاپ وڭتۇستىك تسيكلون جاڭا جەر ايماقتارىنان كەلگەن تسيكلونمەن بىرىگىپ، سونىڭ اسەرىنەن تۇراقسىز اۋا رايى قالىپتاسادى. كۇن كۇركىرەپ، جاڭبىر جاۋادى، باتىستا، سولتۇستىك-باتىستا بۇرشاق جاۋۋى مۇمكىن. تەك وڭتۇستىكتە جاۋىن-شاشىنسىز اۋا رايى ساقتالادى، جەل كۇشەيىپ، شاڭدى داۋىل تۇرۋى مۇمكىن.