باتىر جۇكەمبايەۆ ەرتەڭگى ايقاستا پۋەرتوريكولىق نوكاۋتشىنى سۇلاتۋعا ۋادە ەتتى

نۇر-سۇلتان. قازاقپارات - بۇگىن، 28- مامىر لوس-اندجەلەستە قازاقستاندىق باتىر جۇكەمبايەۆ (18-0، 14 ك و) پەن پۋەرتوريكالىق سابريەل ماتياس (16-1، 16 ك و) اراسىنداعى جەكپە-جەككە ارنالاعان باسپا ءسوز ءماسليحاتى ءوتتى، دەپ حابارلايدى Vesti.kz.

ءبىر قىزىعى ۇيىمداستىرۋشىلار قازاقستاندىق پەن پۋەرتوريكولىق بوكسشىلارعا اۋدارماشى بەرمەپتى. سوندىقتان ولاردىڭ اعىلشىنشا تەك قىسقا جاۋاپتار عانا بەردى. باتىر بۇل كەزدەسۋدە دايىندىعى تۋرالى ايتىپ، قارسىلاسىن نوكاۋتقا تۇسىرۋگە ۋادە ەتتى.

«جاتتىعۋ لەگىرم جاقسى ءوتتى. ماتياسقا دايىندالدىم جانە ونىڭ قانداي بوكسشى ەكەنىن بىلەمىن. سەنبى تۇندە مەن نوكاۋتپەن جەڭەمىن. قولىمنان نە كەلەتىنىن بارىڭىزگە كورسەتەمىن. مەن دالەلدەيمىن»، - دەيدى جۇكەمبايەۆ.

ماتياس تا قاراپ قالمادى. ول قارسىلاسىنا ۇلكەن قيىندىقتار تۋىدىراتىنىن ايتتى.

«مەن ونىڭ ەڭ قيىن سىناعى بولامىن. مەن نەگە ولاي ايتىپ وتىرعانىمدى وزدەرىڭىز تۇسىنەتىن بولارسىزدار»، - دەدى ماتياس.