22:30, 28 - مامىر 2021 | GMT +5
قازاقستاندىق بوكسشى قارسىلاسىن ءۇش رەت نوكداۋنعا ءتۇسىردى
نۇر-سۇلتان. قازاقپارات - قازاقستاندىق نازىم قىزايباي دۋبايداعى ازيا چەمپيوناتىنىڭ فينالىنا شىقتى، دەپ حابارلايدى Vesti.kz.
51 كەلىدەگى جارتىلاي فينالدا نازىم شري-لانكا وكىلى نادەكي پۋشپاكۋماريدى جەڭدى. جەكپە-جەك ءبىرىنشى راۋندتا اياقتالدى، قازاقستاندىق بوكسشى قارسىلاسىن ءۇش رەت نوكداۋنعا ءتۇسىردى. وسىدان كەيىن تورەشى كەزدەسۋدى توقتاتتى.
ەسكە سالايىق، 27 جاستاعى بوكسشى قىز 2014 جانە 2016-جىلدارى الەم چەمپيونى بولدى. ەكى جۇلدەنى دە ول 48 كەلىدە يەلەنگەن.
