ءىرى كولەمدە پارا العان اياگوز قالاسىنىڭ اكىمى تۇرمەگە قامالدى
اياگوز اۋداندىق سوتى باسپا ءسوز قىزمەتىنىڭ مالىمەتىنە سۇيەنسەك، اياگوز قالاسىنىڭ بۇرىنعى اكىمىنە قاتىستى ق ر ق ك-نىڭ 366-بابى 2-بولىگىنە سايكەس قىلمىستىق ءىس قارالدى.
«انىقتالعانداي، سوتتالۋشى قالا اكىمى لاۋازىمىن اتقارىپ ءجۇرىپ، 2020 -جىلدىڭ 16 جانە 17-قىركۇيەگىندە سۋ تاسقىنىنان زارداپ شەككەن ۇيلەردى قالپىنا كەلتىرۋ بويىنشا اتقارىلعان جۇمىستىڭ اكتىسىنە قول قويعانى ءۇشىن مەردىگەر ۇيىمنان جالپى سوماسى 1200000 تەڭگە مولشەرىندە ەكى رەت پارا العان. ول اقشانى الىپ جاتقان ساتىندە، قىزمەتتىك كابينەتىندە ۇستالدى. ايىپتالۋشىنىڭ كىناسى كۋاگەرلەردىڭ جاۋاپتارىمەن، جاسىرىن تەرگەۋ جۇمىستارى ناتيجەلەرىمەن، بولعان وقيعانىڭ بەينەجازبالارىمەن جانە ءىس بويىنشا الىنعان ايعاق زاتتارمەن دالەلدەندى. سوت بارىسىندا قىلمىستىق جاۋاپكەرشىلىكتى جەڭىلدەتەتىن ءمان-جايلار بولعان جوق»، - دەلىنگەن اقپاراتتا.
سوت ۇكىمىمەن اياگوز قالاسىنىڭ بۇرىنعى اكىمى مەملەكەتتىك قىزمەتتە جۇمىس ىستەۋ قۇقىعىن ءومىر بويىنا جوعالتىپ، 4 جىل 5 اي مەرزىمگە باس بوستاندىعىنان ايىرىلدى. ۇكىم ءالى زاڭدى كۇشىنە ەنگەن جوق.
