ۇلىتاۋ اۋدانىندا تۋريزم قالاي دامۋدا
ۇلىتاۋعا جۇمىس ساپارى بارىسىندا ءوڭىر باسشىسى جەڭىس قاسىمبەك ءتورت كوپپاتەرلى تۇرعىن ءۇيدىڭ قۇرىلىس الاڭدارىندا بولدى. قۇرىلىس جەكە ينۆەستيتسيالار ەسەبىنەن جۇرگىزىلۋدە. تۇرعىن ءۇي ساتىپ الۋ قۇقىعىمەن جالعا بەرىلەتىن بولادى. سونداي- اق، وبلىس اكىمى اۋداندا تۋريزمدى دامىتۋدىڭ درايۆەرى بولۋى ءتيىس ساپار- ورتالىققا باردى.
وندا تۋريستەرگە ىڭعايلى بولۋ ءۇشىن بارلىق جاعداي جاسالعان: قوناق ءۇي، كونفەرەنتس - جانە اقپاراتتىق زالدار. ساپار- ورتالىقتا تۋريستەر ۇلىتاۋدىڭ تابيعي جانە تاريحي ەسكەرتكىشتەرى تۋرالى اقپاراتتى كورنەكى ەكسپوزيتسيا تۇرىندە الا الادى. ۇلىتاۋ كەلەشەكتە ەتنوگرافيالىق تۋريزمنىڭ ورتالىعىنا اينالۋى ءتيىس.
جەڭىس قاسىمبەك قارساقپاي كەنتىن دە نازاردان تىس قالدىرمادى. وندا بيىلعى جىلى پايدالانۋعا بەرىلۋى ءتيىس د س ك- نى تەكسەردى. ول 100 ورىنعا ەسەپتەلگەن. دەنە شىنىقتىرۋ جانە سپورت باسقارماسىنىڭ باسشىسى تەمىرحان ابىلايەۆ سپورت كەشەنىندە جىلىتۋ ورتالىقتاندىرىلعان بولاتىنىن اتاپ ءوتتى.
جوندەۋدى قاجەت ەتەتىن قارساقپاي اگروتەحنيكالىق كوللەدجىندە ءوڭىر باسشىسىنا قۇرىلىس جۇمىستارىنىڭ ناتيجەسى كورسەتىلىپ، وقۋ پروتسەسىن ۇيىمداستىرۋ تۋرالى ايتىلدى. بۇگىندە مۇندا 120 ادام وقيدى. ۇلىتاۋ اۋدانى بويىنشا جۇمىس ساپارىنىڭ سوڭىندا جەڭىس قاسىمبەك قارساقپايداعى د س ك قۇرىلىسىنىڭ بارىسىن باقىلاۋدى تاپسىردى. «نىساندى ۋاقىتىندا تاپسىرىپ، تۇرعىندار كۇزگە قاراي وسىندا جۇمىس ىستەي الۋى ماڭىزدى»، - دەدى اكىم.
