ا ق ش د د ۇ- نى كوروناۆيرۋستىڭ پايدا بولۋىن زەرتتەۋدى جالعاستىرۋعا شاقىردى
ۆاشينگتون. قازاقپارات - بەيسەنبى كۇنى ا ق ش دۇنيەجۇزىلىك دەنساۋلىق ساقتاۋ ۇيىمىنىڭ باسشىلىعىنا كوروناۆيرۋس ينفەكسياسىنىڭ پايدا بولۋىن زەرتتەۋدىڭ ەكىنشى كەزەڭىن وتكىزۋدى ۇسىندى.
سونىمەن قاتار، تاۋەلسىز ماماندارعا قىتايدا وتكىزىلىپ جاتقان تالداۋلار مەن باستاپقى دەرەكتەردى بەرۋدى قاراستىرادى، دەپ حابارلايدى قازاقپارات، Reuters - كە سىلتەمە جاساپ.
ۋحان قالاسىندا قىتايلىق زەرتتەۋشىلەرمەن بىرگە ءتورت اپتا بولعان دۇنيەجۇزىلىك دەنساۋلىق ساقتاۋ ۇيىمىنىڭ توبى ناۋرىز ايىندا ءوزىنىڭ ەسەبىندە ۆيرۋستىڭ جانۋارلار ارقىلى جارقاناتتاردان ادامدارعا جۇعۋى مۇمكىن ەكەنىن ايتقان. سونىمەن قاتار، ولاردىڭ ايتۋىنشا، جۇقتىرۋدىڭ زەرتحانالىق جىلىستانۋ سالدارىنان بولۋى ەكىتالاي.
جەنيەۆاداعى ب ۇ ۇ- نىڭ امەريكالىق ميسسياسىنىڭ وكىلى بەيسەنبى كۇنى ءوزىنىڭ مالىمدەمەسىندە د د س ۇ جۇرگىزگەن كوروناۆيرۋس ينفەكسياسىنىڭ پايدا بولۋىنا قاتىستى زەرتتەۋلەردىڭ ءبىرىنشى كەزەڭىن «جەتكىلىكسىز جانە دالەلسىز» دەدى. ول زەرتتەۋلەردىڭ ەكىنشى كەزەڭىن وتكىزۋگە قولقالاپ، جەدەلدىككە، اشىقتىققا جانە جەتكىلىكتى كولەمدەگى دەرەكتەردى بەرۋگە شاقىردى.
«قىتايدىڭ تاۋەلسىز زەرتتەۋشىلەرگە ۆيرۋس پەن پاندەميانىڭ پايدا بولۋ كوزىنە قاتىستى باستاپقى دەرەكتەر مەن تالداۋلاردى ۇسىنۋى ماڭىزدى»، - دەلىنگەن حابارلامادا.
ءوز كەزەگىندە، بەيسەنبى كۇنى ا ق ش- تاعى قىتاي ەلشىلىگىنىڭ وكىلى الەم بويىنشا تىركەلگەن كورونۆيرۋس ينفەكسياسىنىڭ بارلىق ەرتە وقيعالارىنا تولىق زەرتتەۋ جۇرگىزۋگە، سونىمەن قاتار الەم بويىنشا كەيبىر جاسىرىن بازالار مەن بيولوگيالىق زەرتحانالاردى ەگجەي- تەگجەيلى زەرتتەۋگە شاقىردى.
جەنيەۆاداعى ب ۇ ۇ- داعى بريتانيا ەلشىلى سايمون مەنلي دە جەدەل، اشىق جانە دالەلدەرگە نەگىزدەلگەن زەرتتەۋلەردىڭ ەكىنشى كەزەڭىن جۇرگىزۋگە شاقىردى. سارسەنبى كۇنى بولعان دەنساۋلىق ساقتاۋ مينيسترلەرىنىڭ جىل سايىنعى كەزدەسۋى كەزىندە د د س ۇ- نىڭ جەتەكشى ساراپشىسى مايك رايان مۇشە ەلدەرمەن زەرتتەۋلەردىڭ ەكىنشى كەزەڭىنىڭ مازمۇنى تۋرالى كەڭەسۋ وتكىزىلگەنىن ايتتى. ونىڭ ايتۋىنشا، ۇقساس تالقىلاۋلار تاعى الداعى اپتالار كەزىندە جالعاسىن تاپپاق.
اۆتور: ءبيبىحان سەرىكوۆا
