11:52, 27 - مامىر 2021 | GMT +5
قىتايدا كومىر شاحتاسىندا اپات بولىپ، التى ادام جەر استىندا قالدى
جينان. سينحۋا - قازاقپارات - سارسەنبى كۇنى تۇندە قىتايدىڭ شىعىسىندا شاندۋن پروۆينتسياسىنداعى كومىر شاحتالارىنىڭ بىرىندە توپىراق وپىرىلا قۇلاپ، التى ادام ءۇيىندى استىندا قالدى، دەپ حابارلايدى قازاقپارات سينحۋا اگەنتتىگىنە سىلتەمە جاساپ.
اپات سارسەنبى كۇن ساعات 23:00 شاماسىندا جينين قالاسىنىڭ اۋماعىنداعى ۆەيشان ۋەزىنىڭ شاحتاسىندا ورىن العان، دەپ مالىمدەدى پروۆينتسيالىق كوميتەتتەن. ۆەدومستۆونىڭ دەرەكتەرىنە قاراعاندا، ۇيىندىلەر استىندا قالىپ قويعان شاحتەرلەردىڭ جاعدايى ازىرگە ناقتىلانعان جوق. ىزدەۋ- قۇتقارۋ جۇمىستارى ءجۇرىپ جاتىر.
