گەننادي گولوۆكينگە مىندەتتى قارسىلاس تاعايىندالادى

نۇر-سۇلتان. قازاقپارات - حالىقارالىق بوكس فەدەراتسياسى (IBF) ۇيىمنىڭ ورتا سالماقتا چەمپيونى قازاقستاندىق گەننادي گولوۆكينگە (41-1-1، 36 ك و) مىندەتتى قارسىلاس اتانۋ قۇقىن بەرەتىن جەكپە-جەكتى وتكىزۋگە پروموۋتەرلىك ساۋدا وتكىزدى، دەپ حابارلايدى Vesti.kz.

Fightnews.com مالىمەتىنشە، بۇل ايقاستا IBF رەيتىنگىندە ءۇشىنشى جانە بەسىنشى ءنومىرلى بوكسشىلار: 29 جاستاعى گەرمانيالىق پاتريك ۆويچيتسكي (14-0-1، 5 KO) مەن 31 جاستاعى برازيليالىق ەسكيۆا فالكاو (28-0-0، 20 KO) جۇدىرىقتاسادى.

175 مىڭ دوللارمەن ساۋدانى ۆويچيتسكيدىڭ ءىسىن جۇرگىزەتىن Wasserman Boxing پروموۋتەرلىك كومپانياسى ۇتىپ الدى. ال فالكاو پروموۋتەرلەرى Top Rank كومپانياسى 110 مىڭ دوللار ۇسىنعان.

ەندى بۇل جەكپە-جەك 90 كۇن ىشىندە ءوتۋى ءتيىس.