قازاقستاندا جۇمىسسىزدار سانى ازايدى
كوروناۆيرۋس پاندەمياسى كەزەڭىندە شەكتەۋ شارالارىنا قاراماستان، قازاقستاندا جۇمىسسىزدىق دەڭگەيىنىڭ ءوسۋى تىركەلگەن جوق.
ماسەلەن، 2021-جىلدىڭ I توقسانىندا جۇمىسسىزدىق دەڭگەيى %4,9 دى قۇرادى، بۇل وتكەن جىلدىڭ سايكەس كەزەڭىندەگى كورسەتكىشتەن %0,1- عا جوعارى.
سالىستىرۋ ءۇشىن، پاندەميا كەزەڭىندە دامىعان ەلدەردە جۇمىسسىزدىق دەڭگەيىنىڭ كۇرت ءوسۋى بايقالدى: ا ق ش- تا %8,1 عا دەيىن (%4,4+)، كانادادا %9,6 عا دەيىن (%3,9+)، يسپانيادا %15,5 عا دەيىن (%1,4+).
سونىمەن قاتار، اعىمداعى جىلدىڭ I توقسانىندا قازاقستاندا جۇمىسپەن قامتۋ ەكونوميكانىڭ بارلىق سالالارى دا قالپىنا كەلتىرىلدى، ءوسىم ورتا ەسەپپەن %1,8 دى قۇرادى.
ق ر ۇكىمەتى قابىلداعان داعدارىسقا قارسى جوسپارلى شارالار پاندەميانىڭ ەڭبەك نارىعىنا سالدارىن تەڭەستىرۋگە مۇمكىندىك بەردى.
تەك 2020-جىلى مەملەكەتتىك باعدارلامالاردى ىسكە اسىرۋ شەڭبەرىندە جۇمىسپەن قامتۋدىڭ ءتۇرلى شارالارىمەن 1,4 ميلليوننان استام قازاقستاندىق قامتىلدى.
بيىل حالىقتى جۇمىسپەن قامتۋ بويىنشا كەشەندى جۇمىس جالعاسادى. جۇمىس ىزدەۋدە قيىندىق كورىپ جۇرگەن قازاقستاندىقتار حالىقتى جۇمىسپەن قامتۋ ورتالىقتارىنا جۇگىنە الادى.
جۇمىسسىز رەتىندە تىركەلىپ، جۇمىسقا ورنالاسۋدا بىلىكتى كومەك الا الادى.