ءبىرقاتار جانارماي ستانسالارى بەنزين باعاسىن نەگىزسىز قىمباتتاتىپ جىبەرگەن
جىل باسىنان بەرى قازاقستان بويىنشا اي-92 بەنزينى باعاسىنىڭ ورتا ەسەپپەن %12-13 وسۋىنە جانە ىشكى نارىقتى مۇناي ونىمدەرىنىڭ وسى تۇرىمەن قامتاماسىز ەتۋدە قالىپتاسقان احۋالعا بايلانىستى اگەنتتىكتىڭ اۋماقتىق بولىمشەلەرى ىقتيمال الىپساتارلىقتى جانە اي-92 بەنزينى باعاسىنىڭ نەگىزسىز ءوسۋىن بولدىرماۋ ماقساتىندا نارىققا تالداۋ جۇرگىزدى.
جۇرگىزىلگەن جۇمىس ناتيجەسى بويىنشا بەنزيندى بولشەك ساۋدادا وتكىزۋشىلەردىڭ ارەكەتىندە باعالىق ءسوز بايلاسۋ بەلگىلەرى انىقتالدى.
30-ساۋىردە مونوپولياعا قارسى ورگان بەنزيندى بولشەك ساۋدادا وتكىزۋشىلەردىڭ اتىنا اي-92 بەنزينىنە باعا بەلگىلەۋ جانە ۇستاپ تۇرۋ بولىگىندە باسەكەلەستىككە قارسى كەلىسىلگەن ارەكەتتەر بەلگىلەرى بويىنشا 14 حابارلاما ەنگىزدى.
ونىڭ ىشىندە ۇشەۋى - رەسپۋبليكالىق ا ج ق س PetroRetail، گەليوس، Sinooil.
اقمولا وبلىسى: «PetroRetail» ج ش س (فيليال)، «گەليوس» ج ش س (فيليال)، «نپو «يۋنا» ج ش س، «ينكوم پليۋس» ج ش س، «ەسيل» ج ش س.
ش ق و: «ۆوستوك لوگيستيك» ج ش س، «Sinoоil « ج ش س (فيليال)، «PetroRetail» ج ش س فيليال).
س ق و: «ەتالون رەگيون» ج ش س، «سيەۆەرنايا توپليۆنايا كومپانيا» ج ش س، «PetroRetail» ج ش س (فيليال)، «گەليوس» ج ش س (فيليال).
قوستاناي وبلىسى: «PetroRetail» ج ش س (فيليال)، «گەليوس» ج ش س (فيليال)، «كوستاناينەفتەپرودۋكت» ج ش س، «مۋناي ترەيد kst» ج ش س، «Kst trade « ج ش س، «رۋدنەنسكايا توپليۆنايا كومپانيا» ج ش س، «كوستاناي اۆتوگاز-7» ج ش س.
قولدانىستاعى زاڭناماعا سايكەس حابارلامانى ورىنداۋ مەرزىمى - ونى العان كۇننەن باستاپ كۇنتىزبەلىك 30 كۇن.
حابارلامانى ورىنداماۋ مونوپولياعا قارسى تەرگەپ- تەكسەرۋ جۇرگىزۋ ءۇشىن نەگىز بولىپ تابىلادى.
بەلگىلەنگەن باعانى قازاقستان رەسپۋبليكاسىنىڭ باسەكەلەستىكتى قورعاۋ سالاسىنداعى زاڭناماسىنا سايكەستىگى تۇرعىسىنان باعالاۋ كەزىندە جانە ولاردىڭ نەگىزدىلىگى نارىق سۋبەكتىسىنىڭ ناقتى شەككەن شىعىنىن ەسكەرە وتىرىپ، ونىڭ ىشىندە كوتەرمە ساۋدادا جەتكىزۋشىلەرىنەن ساتىپ الۋ باعاسىن ەسكەرە وتىرىپ قارالادى.
