ءۇندىستاندا جاس جۇبايلار تويدى اۋەدە جاسادى

نۇر-سۇلتان.قازاقپارات - ءۇندىستاندا كوروناۆيرۋس كەسىرىنەن ۇيلەنۋ تويىن ۇيىمداستىرا الماي قينالعان عاشىقتار شەكتەۋلەردى اينالىپ ءوتۋدىڭ امالىن ويلاپ تاپتى.

ولار نەكەسىن ۇشاقتىڭ ىشىندە قيدىرعان. جاس جۇبايلار شاراعا ارنايى اۋە كەمەسىن جالداپتى. ءسويتىپ، نەكە قيۋ راسىمىنە 160 تان اسا قوناق جينالعان ەكەن. قوس قاناتتى كولىكتىڭ ىشىندە الەۋمەتتىك قاشىقتىق پەن ماسكا تاعۋ سەكىلدى ساقتىق شارالارى ساقتالماعانىن ايتىپ كەتۋ كەرەك.

بۇل وقيعانى قازىر ءۇندىستاننىڭ اۆياتسيا باسقارماسى تەكسەرىپ جاتىر. اۋە كومپانياسىنىڭ سول كۇنى كەزەكشىلىك ەتكەن قىزمەتكەرلەرى جۇمىسىنان ۋاقىتشا شەتتەتىلدى.

ايتا كەتەيىك، بۇگىندە ءۇندىستاندا ەپيدەميولوگيالىق احۋال ناشار. وسى رەتتە ۇيلەنۋ تويلارىنداعى مەيمان سانىن 50 دەن اسىرۋعا تىيىم سالىنعان.

www.24.kz