10:47, 26 - مامىر 2021 | GMT +5
الماتىدا روزىباقيەۆ كوشەسى جابىلادى
الماتى. قازاقپارات - الماتىدا جىلۋ جۇيەسىن جوندەۋگە بايلانىستى روزىباقييەۆ كوشەسىندەگى جول قوزعالىسى ءىشىنارا شەكتەلەدى، دەپ حابارلايدى قازاقپارات ءتىلشىسى.
«الماتى جىلۋ جۇيەسى» كاسىپورنىنىڭ مالىمەتىنشە، 26-مامىر مەن 25-ماۋسىم ارالىعىندا روزىباقيەۆ كوشەسىنىڭ بويىنداعى بەرەزوۆسكي كوشەسىنەن حودجانوۆ كوشەسىنە دەيىنگى قوزعالىس جابىق بولادى. 26-ماۋسىم مەن 25-شىلدە ارالىعىندا - بايقاداموۆ كوشەسىنەن بەرەزوۆسكيي كوشەسىنە دەيىن اۆتكولىك قوزعالىسى توقتاتىلادى.
«ۋاقىتشا شەكتەۋلەر وسى كوشە سەگمەنتىنىڭ ءجۇرىس بولىگىنىڭ استىندا وتەتىن ماگيسترالدىق قۇبىردى جوسپارلى اۋىستىرۋمەن بايلانىستى. جەرگىلىكتى تۇرعىندارعا قولايلى جاعدايدى ساقتاۋ ءۇشىن ۇيلەرگە ىستىق سۋ ۋاقىتشا سحەما بويىنشا بەرىلەتىن بولادى»، - دەلىنگەن حابارلامادا.
