22:29, 25 - مامىر 2021 | GMT +5
قازاقستاندىق ارۋ وليمپيادا جولداماسىن جەڭىپ الدى
نۇر-سۇلتان قازاقپارات - قازاقستاندىق تاەكۆونداشى قىز جانسەل دەنيز توكيو وليمپياداسى جولداماسىنا يە بولدى.
وسىلايشا ۇلتتىق قۇراما قورجىنى تاعى ءبىر ليتسەنزيامەن تولىقتى.
امماندا (يوردانيا) وتكەن تاەكۆوندودان ازيا قۇرلىقتىق ىرىكتەۋ جارىسىندا جانسەل دەنيز 67 كيلودان جوعارى سالماقتا فينالعا شىقتى. وتانداسىمىز جارتىلاي فينالدا تاجىكستاندىق موحرۋ حاليموۆانى 12:2 ەسەبىمەن ۇتتى.
قۇرلىقتىق ىرىكتەۋ جارىسىندا فينالعا شىققان سپورتشىلار اۆتوماتتى تۇردە وليمپيادا ليتسەنزياسىنا يەلىك ەتەدى.
ايتا كەتەيىك، وسىعان دەيىن ەرلەر اراسىندا 80 كيلودان جوعارى سالماقتا رۋسلان جاپاروۆ جولداما جەڭىپ العان بولاتىن. جارتىلاي فينالدا ول WT اتىنان شىققان سپورتشى امير الي اكباردى 31:20 ەسەبىمەن ۇتقان ەدى.
