قوستانايدا وقۋشى سوڭعى قوڭىراۋدان كەيىن قايتىس بولدى
بۇل اقپاراتتى ءوڭىردىڭ دەنساۋلىق ساقتاۋ باسقارماسىنىڭ باسپا ءسوز قىزمەتى راستادى، - دەپ حابارلايدى Alau.Kz باسىلىمى.
قايعىلى وقيعا اەراپورت شاعىن اۋدانىنداعى تارەلوچكا كولىندە بولعان. دەنساۋلىق ساقتاۋ باسقارماسىنىڭ مالىمەتى بويىنشا، ساعات 10.30 دا جەدەل جاردەم وقيعا ورنىنا جەتكەن. سۇڭگۋىرلەر وقۋشىنى سۋدان الىپ شىققاننان كەيىن دارىگەرلەر رەانيماتسيا شارالارىن جاساعان.
«وكىنىشكە قاراي، بالانى قۇتقارۋ مۇمكىن بولمادى. الدىن الا مالىمەت بويىنشا، بالا سۋعا سەكىرگەن كەزدە موينىن جاراقاتتاپ العان. وكپەسىندە سۋ از بولدى»، - دەدى دەنساۋلىق ساقتاۋ باسقارماسى وكىلدەرى.
ءبىلىم باسقارماسىنداعىلار قازا تاپقان وقۋىشىنىڭ تۋعان-تۋىستارى مەن جاقىندارىنا كوڭىل ايتتى.
قوستاناي وبلىسى اكىمدىگىنىڭ ءبىلىم باسقارماسى وكىلدەرى وسىنداي قايعىلى وقيعالار قايتالانباۋى ءۇشىن جازعى دەمالىس كەزىندە بالالاردىڭ قاۋىپسىزدىگىن قامتاماسىز ەتۋدىڭ ماڭىزىن ەسكەرتتى.
