پۋتين مەن بايدەن قاشان جانە قايدا كەزدەسەتىنى بەلگىلى بولدى

بۇل تۋرالى اق ءۇيدىڭ سايتىنداعى مالىمدەمەدە ايتىلدى، - دەپ حابارلايدى Tengrinews.kz ءتىلشىسى.

«ءوزارا ۋاعدالاستىققا سايكەس، رەسەي فەدەراتسياسىنىڭ پرەزيدەنتى ۆلاديمير پۋتين 16- ماۋسىمدا جەنيەۆادا امەريكا قۇراما شتاتتارىنىڭ پرەزيدەنتى دجوزەف بايدەنمەن كەلىسسوز جۇرگىزەدى. كوشباسشىلار وزەكتى ماسەلەلەردىڭ بارلىق سپەكترىن تالقىلايدى، ويتكەنى ا ق ش رەسەيمەن قاتىناستا تۇراقتىلىقتى قالپىنا كەلتىرۋگە تىرىسادى»، - دەلىنگەن حابارلامادا.

16- ماۋسىمدا جەنيەۆادا وتەتىن پرەزيدەنتتەر كەزدەسۋىنىڭ ءمان-جايى، ونىڭ ىشىندە كەلىسسوز ۋاقىتى ءالى كەلىسىلمەگەن. بۇل تۋرالى ر ي ا نوۆوستيگە رەسەي پرەزيدەنتىنىڭ باسپا ءسوز حاتشىسى دميتري پەسكوۆ مالىمدەدى.

تاراپتار ستراتەگيالىق تۇراقتىلىق، پاندەميامەن كۇرەس، حالىقارالىق كۇن ءتارتىبى جانە ايماقتىق قاقتىعىستار ماسەلەلەرىن تالقىلايدى.

بۇعان دەيىن ب ا ق- تا رەسەي مەن ا ق ش پرەزيدەنتتەرى ۆلاديمير پۋتين مەن دجو بايدەننىڭ العاشقى كەزدەسۋى شۆەيتساريادا ءوتۋى مۇمكىن ەكەنى جازىلعان بولاتىن.