جەر تۇرعىندارى ايدىڭ تولىق تۇتىلۋىن تاماشالايدى
جەر عالامشارى كۇن مەن ايدىڭ ورتاسىنا كەلگەندە اي تۇتىلادى، ياعني جەردىڭ كولەڭكەسى سەرىگىنىڭ بەتىنە تۇسەدى. باسقاشا ايتقاندا، اسپان دەنەلەرى ءبىر قاتارعا تۇرادى. جەر كولەڭكەسىنە تولىق كىرگەننەن كەيىن ايدىڭ ءجۇزى قىزعىلت رەڭككە ەنەدى. سول سەبەپتى بۇل قۇبىلىستى كەيدە «قاندى اي» دەپ تە ايتادى.
اي جەردىڭ كولەڭكە ايماعىنا ەنگەندە، اي تۇتىلۋى باستالادى. وكىنىشكە وراي، قازاقستاندىقتار تابيعاتتىڭ وسىناۋ بىرەگەي ءساتىن تاماشالاي المايدى. ونى شىعىس ازيا، اۋستراليا، تىنىق مۇحيتى جانە امەريكا تۇرعىندارى كورەدى. ايتا كەتەرلىگى 10 - ماۋسىمدا كۇن ساقينالى تۇردە تۇتىلادى. ول سولتۇستىك كانادا، گرەنلانديا جانە رەسەيدە جاقسى بايقالادى. ساقينالىق جانە جارتىلاي فازالاردى ت م د ەلدەرىنىڭ اۋماعىنان كورۋگە بولادى.
ال 19- قاراشادا ايدىڭ ءىشىنارا تۇتىلادى. ونىڭ ءارتۇرلى فازالارىن وڭتۇستىك امەريكا، يندونەزيا، اۋستراليا، ازيا جانە قيىر شىعىستىڭ تۇرعىندارى كورەدى. تولىق تۇتىلۋدى سولتۇستىك امەريكا، چۋكوتكا جانە كامچاتكادا بايقاۋعا مۇمكىندىك بار. سونداي- اق 4 - جەلتوقساندا كۇن تولىق تۇتىلۋى مۇمكىن. ونىڭ بەلدەۋى تىنىق جانە اتلانت مۇحيتتارى ارقىلى، سونداي- اق انتاركتيدا ارقىلى وتەدى. تۇتىلۋدىڭ كىشىگىرىم فازالارىن افريكانىڭ وڭتۇستىگىنەن جانە اۋستراليادان كورۋگە بولادى.
اۆتور: مارلان جيەمباي
