الەمدە كوۆيدتەن قانشا مەديتسينا قىزمەتكەرى كوز جۇمعانى بەلگىلى بولدى
اق حالاتتىلار قاۋىپتى جۇمىس جاعدايىندا ەڭبەكتەنۋگە ءماجبۇر. ۇيىم باسشىسى قۇرباندار اراسىندا مەديتسينا قىزمەتكەرلەرىنىڭ كوپتىگى وسى جايتقا بايلانىستى ەكەنىن ايتادى. بۇل رەتتە تەدروس ادحانوم گەبرەيەسۋس ۆاكتسينالاۋ قارقىنىن كۇشەيتۋگە شاقىردى. جىل سوڭىنا دەيىن ءار ەلدە حالىقتىڭ 30 پروتسەنتى ەكپەمەن قامتىلۋى ءتيىس دەيدى ول. ۇيىم باسشىسى كەدەي مەملەكەتتەردەگى مەديتسينا قىزمەتكەرلەرى مەن وسال توپ وكىلدەرىنە جاتاتىن 250 ميلليون تۇرعىندى دا ۆاكتسينالاۋ ماڭىزدى ەكەنىن ايتتى.
تەدروس ادحانوم گەبرەيەسۋس، د س ۇ باسشىسى:
- سوڭعى 18 اي بويى مەديتسينا قىزمەتكەرلەرى ءولىم مەن ءومىر اراسىندا ءجۇر. ولار ءوز باسىنىڭ ەمەس، وزگەلەردىڭ اماندىعى ءۇشىن كۇرەسىپ كەلەدى. الايدا ۆيرۋسپەن كۇرەستە كەمى 115 مىڭ اق حالاتتى باقيلىق بولدى. بۇل ۇلكەن شىعىن. الايدا الدا كورسەتكىشتەر ودان دا جوعارى بولماسىنا كىم كەپىل؟ 2021 -جىلى كوز جۇمعاندار سانى پاندەميانىڭ ءبىرىنشى جىلىمەن، ياعني بىلتىرمەن سالىستىرعاندا كوپ بولىپ وتىر.
www.24.kz
