شەت ەلدە تۇراتىن قانداسىمىز تۋمەن ارانداتۋشى ۆيدەو تۇسىرگەن برازيليالىقتى جەڭدى

نۇر-سۇلتان. قازاقپارات - رەسەيدە تۇراتىن قانداسىمىز دامير ىسماعۇلوۆ (20-1) لاس-ۆەگاستا وتكەن UFC Vegas 27 تۋرنيرىندە جەڭىسكە جەتتى.

بۇل ونىڭ پروموۋشەندەگى ءتورتىنشى ايقاسى، دەپ حابارلايدى Vesti.kz.

جەڭىل سالماق ليميتىندەگى جەكپە-جەكتە داميردىڭ قارسىلاسى برازيليالىق رافاەل الۆەس (19-10) بولدى.

ءۇش راۋندقا سوزىلعان كەزدەسۋ قورىتىندىسى بويىنشا دامير تورەشىلەر شەشىمىمەن جەڭىسكە جەتتى - 29:28.

جەكپە-جەك باسىندا برازيليالىق فايتەر ىسماعۇلوۆتى نوكداۋنعا ءتۇسىردى. دەگەنمەن دامير بۇل شابۋىلدىڭ بەتىن قايتارىپ قويماي، قارسىلاسىن گاردتا ۇستاپ، سوققى جاساي وتىرىپ، ءبىرىنشى راۋندتا ءوز باسىمدىعىن كورسەتتى. ال ەكىنشى راۋندتا دامير قارسىلاسىنىڭ ءوزىن ەسەڭگىرەتتى، تىك تۇرىپ جانە كۇرەستە دە ارتىقشىلىعىن بايقاتتى.

ءۇشىنشى راۋندتا دا الۆەس ەشتەڭە ىستەي المادى.