اسىق اتۋدان ۇلتتىق مەكتەپ ليگاسىندا قاراعاندىلىق وقۋشى جەڭىمپاز اتاندى

قاراعاندى. قازاقپارات - قاراعاندى وبلىسىنىڭ سەگىزىنشى سىنىپ وقۋشىسى اسىق اتۋدان ۇلتتىق مەكتەپ ليگاسىندا جەڭىسكە جەتتى، دەپ حابارلايدى قازاقپارات ءتىلشىسى.

17-21 -مامىر ارالىعىندا كوكشەتاۋدا اسىق اتۋدان ۇلتتىق مەكتەپ ليگاسى ءوتتى. وعان 7-8 -سىنىپتاردىڭ 50 وقۋشىسى، ونىڭ ىشىندە قاراعاندى وبلىسىنان 6 ادام قاتىستى. اباي اۋدانىنىڭ سەگىزىنشى سىنىپ وقۋشىسى نۇرداۋلەت ەسىموۆ «التىن ساقا» سىيلىعىنىڭ يەگەرى اتاندى. بۇل جۇلدە ەڭ جاقسى ويىنشىعا بەرىلەدى. جارىس جەڭىمپازىن اسىق اتۋ رەسپۋبليكالىق فەدەراتسياسىنىڭ ۆيتسە- پرەزيدەنتى جومارت سابىرجانوۆ ماراپاتتادى.

نۇرداۋلەت 14 جاستا. ول اباي اۋدانى قۇلايعىر اۋىلىنىڭ «توپار» جالپى ءبىلىم بەرەتىن مەكتەبىندە وقيدى. ۇزدىك وقۋشىلار قاتارىندا. اسىق ويناۋمەن 8 جاسىنان باستاپ اينالىسادى. ونى دەنە شىنىقتىرۋ ءپانىنىڭ مۇعالىمى نۇرلان راحمەتوۆ جاتتىقتىرادى. نۇرداۋلەت - اسىق اتۋدان اۋداندىق جانە وبلىستىق جارىستاردىڭ جەڭىمپازى.

اۆتور: اگاتا مۋحامەدجانوۆا