موڭعوليادا پرەزيدەنتتى سايلاۋ ناۋقانى باستالدى

ۇلانباتىر. مونسامە- قازاقپارات - بۇگىن موڭعوليادا پرەزيدەنتتى سايلاۋ ناۋقانى رەسمي تۇردە باستالدى، دەپ حابارلايدى قازاقپارات موڭعوليانىڭ مونسامە اگەنتتىگىنە سىلتەمە جاساپ.

24 -مامىر كۇنى باس سايلاۋ كوميسسياسى (ب س ك) پرەزيدەنتتىك سايلاۋ كانديداتتارى ۋ. ءحۇرەلسۋح (موڭعوليا حالىق پارتياسىنان، كۇرەلسۇك دەپ وقىلادى)، س. ەردەنە (دەموكراتيالىق پارتيا) جانە د. ەنحباتقا (دۇرىس ۇمىتكەر، ەلەكتورات كواليتسياسى، ەنكبات دەپ وقىلادى) كۋالىكتەردى تابىستادى. وسىلايشا، سايلاۋالدى ناۋقان داۋىس بەرۋگە 16 كۇن قالعاندا باستالىپ كەتتى.

سونداي- اق بۇگىن ب س ك ەل پرەزيدەنتىن سايلاۋ تۋرالى زاڭىنا سايكەس سىبايلاس جەمقورلىققا قارسى كۇرەس باسقارماسىنا پرەزيدەنتكە ۇمىتكەر كانديداتتاردىڭ تابىستارى تۋرالى ەسەپ بەرەدى. كانديداتتاردىڭ تابىسى تۋرالى ەسەپ باسقارمانىڭ رەسمي سايتىندا جاريالانادى. ۇلتتىق اۋديتورلىق باسقارما داۋىس بەرۋ باستالعانشا ءوزىنىڭ سايتىندا كانديداتتاردىڭ سايلاۋالدى باعدارلاماسىنىڭ باعالانۋىن جاريالاۋ قاجەت.

پرەزيدەنتتى سايلاۋ تۋرالى زاڭعا سايكەس، سايلاۋ ناۋقانى 15 كۇنگە سوزىلادى، بۇل ۋاقىتتا ساياسي پارتيالار مەن كانديداتتارعا تومەندە اتالعانداردان باسقا سايلاۋالدى ۇگىت- ناسيحات جۇرگىزۋگە تىيىم سالىنادى:

- ۇگىت- ناسيحات باسپا ماتەريالدارى سايلاۋشىلار اراسىندا جاپپاي تاراتۋعا ارنالعان؛

- تەلەديدار مەن راديودا سايلاۋالدى ۇگىت جۇرگىزۋ؛

- سايلاۋ ناۋقانىندا الەۋمەتتىك جەلىنى قولدانۋ؛

- كوشەلەر مەن الاڭداردا ۇگىت- ناسيحات پلاكاتىن ورنالاستىرۋ؛

- سايلاۋالدى شتاب جۇمىسى.

اۆتور: زارينا تۋعانبايەۆا