جەلى قولدانۋشىلارى ۇيگە ۇرى تۇسۋىنە تۇرتكى بولادى – ءى ءى م

نۇر-سۇلتان. قازاقپارات - كەيبىر قازاقستاندىقتار الەۋمەتتىك جەلىلەر ارقىلى ۇيگە ۇرى تۇسۋىنە سەبەپكەر بولادى.

بۇل تۋرالى ءى ءى م كريمينالدىق پوليتسيا دەپارتامەنتى باستىعىنىڭ ورىنباسارى قانات نۇرماعامبەتوۆ ايتتى.

«نەگىزىنەن الەۋمەتتىك جەلىلەردى پايدالاناتىن ادامدار كەيدە ۇرىلاردىڭ ءوز پاتەرىنە كەلۋىنە تۇرتكى بولادى. ويتكەنى ولار تۇرعىن ءۇيدىڭ ورنالاسقان جەرىن، قالاي تۇراتىنىن، قانداي كولىكتەرمەن جۇرەتىنىن بەلسەندى تۇردە جاريالاپ جاتادى»، - دەدى ءى ءى م وكىلى ونلاين- بريفينگتە.

نۇرماعامبەتوۆتىڭ ايتۋىنشا، قازاقستاندىقتار قالا سىرتىندا نەمەسە كۋرورتتا وتىرعانى تۋرالى جازبا نەمەسە ۆيدەو ءجيى جاريالايدى جانە وتىرعان جەرىن كورسەتەدى. بۇل جاعدايدا پاتەرلەر كوبىنەسە قاراۋسىز قالادى.