«كورونۆيرۋستى جەڭگەن العاشقى ەل». يزرايل كارانتيندى تولىعىمەن الىپ تاستايدى

نۇر-سۇلتان. قازاقپارات - يزرايل پاندەمياعا بايلانىستى ماۋسىمنان باستاپ ەنگىزىلگەن بارلىق شەكتەۋدى الىپ تاستايدى.

بۇل تۋرالى ەلدىڭ دەنساۋلىق ساقتاۋ مينيسترلىگى مالىمدەدى، - دەپ حابارلايدى DW سايتى.

«پاندەميا باستالعاننان بەرى العاش رەت يزرايلدەگى بارلىق شەكتەۋ 1-ماۋسىمنان باستاپ الىپ تاستالادى»، - دەدى دەپارتامەنت وكىلدەرى.

الايدا شەتەلدىك تۋريستەر ءۇشىن شەكتەۋلەر ءوز كۇشىندە قالادى، ءتىپتى كورونۆيرۋس تارالماۋى ءۇشىن تالاپتار كۇشەيتىلۋى مۇمكىن.

يزرايلدە بەس ميلليوننان اسا ادام (حالىقتىڭ 55 پايىزى) كوروناۆيرۋسقا قارسى ۆاكتسينانىڭ ەكى دوزاسىن الدى. مەيرامحانالارعا، بارلار مەن سپورتزالدارعا تەك «جاسىل ءتولقۇجاتى بار»، تولىقتاي ەكپە سالدىرعان نەمەسە جازىلىپ شىققان ادامدار كىرگىزىلەدى. ماۋسىمنان باستاپ ۆاكتسيناتسيادان وتپەگەن ادامدار دا بۇل مەكەمەلەرگە كىرە الادى.

يزرايل ۆاكسيناتسيا بويىنشا الەمدىك كوشباسشىلاردىڭ ءبىرى. 2021 -جىلدىڭ ءساۋىرىنىڭ باسىندا مۇندا ەرەسەك تۇرعىنداردىڭ 80 پايىزى ەگىلدى. ناۋرىزدىڭ باسىندا پرەمەر-مينيستر بەنيامين نەتانياحۋ يزرايل COVID-19-دى جەڭگەن العاشقى ەل دەپ مالىمدەدى.

يزرايلدە حالىقتى جاپپاي ۆاكتسينالاۋ 2021 -جىلدىڭ قاڭتارىندا باستالدى. مەملەكەت وسى قاجەتتىلىكتەر ءۇشىن امەريكالىق Pfizer پرەپاراتىن ساتىپ الدى. ەڭ الدىمەن، ۆاكسيناتسيا اعا بۋىن جانە سوزىلمالى اۋرۋى بار ادامدارعا سالىندى.