ەسىل وزەنىنىڭ جاعاسىندا سۋرەتكە تۇسپەك بولعان ەكى بويجەتكەن سۋعا كەتتى

پەتروپاۆل. قازاقپارات - سولتۇستىك قازاقستان وبلىسىندا ەسىل وزەنىنىڭ جاعاسىندا سۋرەتكە تۇسپەك بولعان ەكى بويجەتكەن اياقتارى تايىپ كەتىپ، سۋعا كەتتى، دەپ حابارلايدى قازاقپارات ءتىلشىسى.

س ق و توتەنشە جاعدايلار دەپارتامەنتىنىڭ مالىمەتىنشە، وقىس وقيعا 23-مامىر كۇنى ساعات 18.16 شاماسىندا بولعان.

«سوسنوۆىي بور» دەمالىس ورنىنىڭ ماڭىندا 1994 -جىلى جانە 2001 -جىلى تۋعان ەكى ادام سۋعا باتىپ كەتتى. 27 جاستاعى بويجەتكەن م. جۇمابايەۆ اتىنداعى جوعارى كوللەدجدە مۇعالىم بولىپ ەڭبەك ەتسە، 20 جاستاعى ەكىنشىسى سول وقۋ ورنىنىڭ 4-كۋرسىندا وقىعان ەكەن. وقيعا ورنىندا بولعان كۋاگەرلەردىڭ ايتۋىنشا، ەكى قىز ەسىل وزەنىنىڭ جاعاسىندا سۋعا تۇسپەك بولعان. الايدا اياقتارى تايىپ كەتىپ، سۋعا قۇلاعان. قاتتى اعىن ولاردى قۇتقارۋعا مۇمكىندىك بەرمەدى. دەنەلەرى سۋدان شىعارىلىپ، سوت-مەديتسينالىق ساراپتاماعا جىبەرىلدى.