قازاقستاندا ساياحاتتاۋ ءۇشىن قانشا قارجى كەرەك
ياعني 2020 -جىلى 8 ميلليونداي ادام ەل ءىشىن ارالاپتى، دەپ حابارلايدى «حابار 24».
تۋريستەردىڭ كوبى، ناقتىراق ايتساق، 3 ميلليوننان استامى جەكە كولىگىمەن قاتىناعان. 2 ميلليونعا جۋىعى پويىزبەن ءجۇرىپتى. 990 مىڭ ادام قالاارالىق اۆتوبۋس، 290 مىڭدايى اۋە كولىگىنىڭ قىزمەتىنە جۇگىنگەن. ارى- بەرى جۇرگەننىڭ ءبارى تۋريست ەمەس، ارينە. مىسالى، 500 مىڭدايى قىزمەتتىك ءىس ساپارعا بارعان. ءيا، بىلتىر تۋريزم سالاسى اجەپتەۋىر تۇرالاپ قالدى. ءبىراق بيىل قوزعالىس جاندانادى دەگەن ءۇمىت كوپ. دەمالىس ورىندارى جاز مەزگەلىنە قىزۋ دايىندالىپ جاتىر. ءبىز سولاردىڭ ەڭ تانىمالدارىندا ءبىر اپتا تىنىعۋ قانشا تۇراتىنىن جانە قالاي جەتۋگە بولاتىنىن سۇراپ بىلدىك.
زەرتتەۋ نىسانى رەتىندە الاكول، بۋراباي، اقتاۋ جانە تۇركىستان وڭىرلەرىن الدىق. ماسەلەن، ماۋسىمنىڭ ورتاسىنا قاراي الاكولدە ورتاشا جايلىلىقتا تىنىعۋ اقىسى 100 مىڭ تەڭگە شاماسىندا. تۇركىستاندا 100-150 مىڭ جۇمسايسىز. بۋرابايدىڭ باۋرايىنداعى دەمالىس 150 مىڭنان باستالادى. ال اقتاۋعا بارىپ كاسپيدىڭ جاعاسىندا جاتامىن دەسەڭىز، 200 مىڭ جاراتاسىز. كارتادان كورگەندەرىڭىزدەي، دەمالىس ورىندارىنا ۇشاق، پويىز نەمەسە اۆتوكولىكپەن دە بارۋعا بولادى. الاكول باعىتىندا جاڭا ۆاگوندار قوسىلادى ايتا كەتەيىن، 1-ماۋسىمنان باستاپ جاز بويى ەلوردادان الاكولدەگى دوستىق ستانتسياسىنا پويىز قاتىناي باستايدى. بۇعان قوسا قىزىلوردا- سەمەي، نۇر- سۇلتان- سەمەي باعىتتارىنا، «دوستىق» بەكەتىنە دەيىن جولاۋشى اپاراتىن قوسىمشا ۆاگوندار قوسىلادى. الماتى، تالدىقورعان جانە نۇر- سۇلتان قالالارىنان ءۇشارالعا قاتىنايتىن ۇشاق رەيستەرى دە كوبەيەدى.
وسى جازدا شەكارا اسىپ، شەتەلدە تىنىعامىن دەگەندەر قانشا قارجى جۇمسايتىنىن دا الدىن الا ەسەپتەۋگە تىرىستىق. دەمالىس كۇنى ماۋسىمنىڭ ورتاسىنا جوسپارلانعان. مىسال رەتىندە جاتىن ورىنعا ءۇش جۇلدىزدى قوناق ءۇيدى تاڭدادىق. تۇركيا، گرۋزيا، ەگيپەت جانە بىرىككەن اراب امىرلىكتەرىندەگى وسى دەڭگەيدەگى قوناق ۇيگە جايعاسىپ، تىنىعۋ اقىسىن سالىستىردىق. العاشقىسىندا بارلىعى قوسىلعان 7 كۇندىك تۋر پاكەتى 250 مىڭنان باستالادى. ال گرۋزيادا 10 مىڭعا قىمبات. مىسىردا 7 كۇن دەمالعىڭىز كەلسە، ادام باسىنا 280 مىڭ تولەيسىز. ال بىرىككەن اراب امىرلىكتەرىنە بارۋ وزگەسىنە قاراعاندا قىمباتتاۋ. مۇندا ءۇش جۇلدىزدى قوناق ۇيىمەن 7 كۇندىك تۋر پاكەتى 324 مىڭنان باستالادى. ەسكەرتە كەتەيىن، بۇل - تاپسىرىستى 20 كۇن بۇرىن بەرگەندەگى باعا. ۋاقىت وتكەن سايىن ول ءارتۇرلى قۇبىلۋى مۇمكىن.
ءار ەلدىڭ شارتى باسقا «ءار ەلدىڭ سالتى باسقا» دەگەندەي، كوروناۆيرۋسقا بايلانىستى قازىر ءار ەلدىڭ تۋريست قابىلداۋعا قاتىستى تالابى دا وزگەشە. مىسالى، بىررىككەن اراب امىرلىكتەرىندە ۇشاقتان تۇسكەن تۋريست ءوز قارجىسىنا پ ت ر- تەست تاپسىرىپ، ناتيجەسى شىققانشا وقشاۋلانادى. ابۋ- دابيدە پتر- تەست تاپسىرساڭىز دا 5 كۇن كارانتيندە بولاسىز. ەگەر كوروناۆيرۋسقا قارسى ۆاكتسينا سالدىرماعان بولساڭىز، 10 كۇن جاتاسىز. گرۋزيادا ۆاكسينا سالدىرعاندارعا جانە پ ت ر- تەست ناتيجەسى تەرىس انىقتاماسى بار قازاقستاندىقتارعا ەسىك اشىق. ءبىراق مۇندا تۇنگى 23:00-دەن تاڭعى بەسكە دەيىن كوممەندانتتىق ساعات ەنگىزىلگەن.
ەگيپەت بيلىگى ساياحاتتاپ كەلىپ اۋرۋ جۇقتىرعانداردى تەگىن ەمدەيمىز دەپ وتىر. بۇل - ساياحاتشىلار سانى ازايىپ كەتپەس ءۇشىن قابىلدانعان شارا. تۇركيا اۋەجايلارىندا 72 ساعات ىشىندە تاپسىرىلعان پ ت ر- تەست ناتيجەسىن سۇرايدى. مۇندا دا قازىر كەشكى توعىزدان تاڭعى بەسكە دەيىن كوممەندانتتىق ساعات ەنگىزىلگەن. ال دەمالىس كۇندەرى تولىقتاي لوكداۋن. ارينە، تۋريستەردىڭ قوزعالىسىنا شەك قويىلمايدى. ءبىراق ساۋدا- ويىن- ساۋىق ورتالىقتارى مەن مەيرامحانالار جۇمىس ىستەمەيدى.
رەسەي قيىر شىعىس پەن اركتيكاعا تۋريست تارتپاق رەسەي قيىر شىعىس پەن اركتيكاعا تۋريستەردى كوپتەپ تارتۋعا نيەتتى. 2030 -جىلعا قاراي بۇل وڭىرلەرگە جىل سايىن 15 ميلليون قوناق اكەلەمىز دەگەن جوسپار قويىپ وتىر. ول ءۇشىن تۋريزم سالاسىنداعى كاسىپكەرلەرگە قولداۋدى كۇشەيتىپ، جۇمىستى جۇيەلەمەك. جالعىز تالاپ بار. تۋريزم تابيعاتتىڭ تىلسىم ۇيلەستىگىنە زيان تيگىزبەۋى كەرەك. ياعني مۇندا تۋريستىك نىسان سالىپ، بيزنەس باستايتىندار جاسىل تەحنولوگيانى قولدانىپ، ەكوتۋريزمگە بەيىمدەلۋى شارت. مەملەكەت تەك سونداي جوبالاردى عانا قابىلداپ، قولدايدى.
مالىمەتتەرگە قاراعاندا، رەسەي تۋريستەردى قىزىقتىراتىن كورىكتى تابيعي نىساندارى بويىنشا الەمدە الدىڭعى قاتاردا. دەسە دە ەلدەگى ساياحاتشىلاردىڭ تەك ەكى پروتسەنتى عانا ەكوتۋريزمگە قىزىعۋشىلىق تانىتقان. ەندى ۆاليۋتا باعامىنا توقتالايىق. بۇگىن قازاقستان قور بيرجاسىندا ا ق ش- تىڭ ءبىر دوللارى 428 تەڭگە 82 تيىن دەپ بەلگىلەدى. ەۋرو - 524 تەڭگە 28 تيىن. ال رەسەي ءرۋبلى 5 تەڭگە 82 تيىنعا تەڭ.
www.24.kz
