ءۇندىستاندا «قارا زەڭ» جۇقتىرعاندار كۇن ساناپ كوبەيىپ بارادى

نۇر-سۇلتان.قازاقپارات - ءۇندىستاندا پاندەميامەن قاتار، «قارا زەڭ» اۋرۋى حالىقتى ابدەن ءارى- ءسارى ەتتى.

ەلدە قازىردىڭ وزىندە «قارا زەڭدى» 9 مىڭعا جۋىق ادام جۇقتىرىپ ۇلگەرگەن، دەپ حابارلايدىBBC .

قاۋىپتى ينفەكتسيانى جۇقتىرعانداردىڭ %50 ى اجال قۇشادى ەكەن. وكىنىشكە قاراي، دارىگەرلەر بۇل اۋرۋدى جۇقتىرعان مىڭداعان ادامنىڭ ءبىر نەمەسە ەكى كوزىن دە الىپ تاستاۋعا ءماجبۇر بولدى. 54 جاستاعى انيلا ۆانكحەدا ەسىمدى ەر ادام COVID-19 جۇقتىرىپ، اۋرۋحانادان ەمدەلىپ شىققاننان كەيىن باسى اۋىرىپ، وڭ كوزى ءىسىپ كەتكەن. كەيىن وعان مۋكورميكوز دياگنوزى قويىلعان. دارىگەر ونى ەمدەۋنىڭ جالعىز جولى كوز قۋىسى مەن وڭ كوزدى الىپ تاستاۋ ەكەنىن ايتقان.

ايتا كەتەيىك، ينفەكسيانى جۇقتىرعانداردىڭ كوبى ەلدىڭ باتىسىنداعى گۋدجارات جانە ماحاراشترا شتاتتارىندا تىركەلۋدە. بۇگىنگى تاڭدا «قارا زەڭ» ءۇندىستاننىڭ 29 شتاتىندا انىقتالعان. الايدا، دارىگەرلەر مەديتسينالىق قۇرال- جابدىقتارمەن قوسا، ەمدىك ءدارى- دارمەكتەردىڭ ازدىعىنان بۇل ىندەتتىڭ ەتەك جايا باستاعىنان ايتادى. ەگەر ناۋقاستار ۋاقتىلى جانە دۇرىس ەمدەلمەسە، وندا ءولىم كورسەتكىشى %94 عا دەيىن ءوسۋى مۇمكىن.

egemen.kz