ش ق و- داعى دەمالىس بازالارىنا تۋريستەردى قابىلداۋعا رۇقسات بەرىلدى
ش ق و باس سانيتار دارىگەرىنىڭ جاڭا قاۋلىسى جاريالاندى. وندا جازىلعانداي، بۇقتىرما سۋ قويماسىنداعى، الاكولدەگى جانە «راحمان قاينارلارى» ساناتوريىندەگى دەمالىس بازالارىنىڭ جۇمىسىنا رۇقسات بەرىلگەن.
«تۋريستىك- رەكرەاتسيالىق ايماقتاردا كۇشەيتىلگەن سانيتارلىق- دەزينفەكتسيالىق رەجيمدى، تەرمومەتريانى، ماسكالىق رەجيمدى جانە الەۋمەتتىك قاشىقتىقتى ساقتاي وتىرىپ، ادامداردى ورنالاستىرۋ جانە دەمالۋ ورىندارىنىڭ جازعى تۋريستىك ماۋسىمعا دايىندالۋىنا رۇقسات ەتىلدى. 1 -ماۋسىمنان باستاپ ورنالاساتىن جانە دەمالاتىن ورىنداردا (قوناق ۇيلەر، موتەلدەر، كەمپينگتەر، تۋريستىك بازالار، قوناق كۇتەتىن ۇيلەر، دەمالىس ۇيلەرى، ساناتوريلەر، ساۋىقتىرۋ مەكەمەلەرى، پانسيوناتتار جانە تۋريستەردىڭ تۇرۋى مەن ولارعا قىزمەت كورسەتۋ ءۇشىن پايدالانىلاتىن باسقا دا عيماراتتار مەن قۇرىلىستار) كەلۋشىلەردى قابىلداي الادى»، - دەلىنگەن قۇجاتتا.
تۋريستىك- رەكرەاتسيالىق ايماقتاردا ورنالاستىرۋ جانە دەمالىس ورىندارىنىڭ جۇمىس رەجيمى وبلىس اۋماعىندا COVID-19 ينفەكتسياسى احۋالىنىڭ وزگەرۋىنە سايكەس قايتا قارالۋى مۇمكىن.
