عارىشتىق تۋريزم: ءبىرىنشى سىناق اپپاراتى ۇشىرىلدى
ولاردان كەيىن، ەگەر ءبارى جوسپار بويىنشا جۇرسە، Virgin- ءدى باسقاراتىن بريتاندىق كاسىپكەر ريچارد برەنسون كوممەرتسيالىق رەيستەردى باستاۋى مۇمكىن، دەپ حابارلايدى قازاقپارات BBC - گە سىلتەمە جاساپ. Unity- ءدى ەكى عارىشكەرى - ناسا- نىڭ بۇرىنعى استروناۆتى سي دجەي ستەركوۋ جانە Galactic- ءتىڭ اعا سىناقشى- ۇشقىشى دەيۆ ماككەي ۇشىردى.
ولاردىڭ باسشىلىعىمەن ۇشۋ اپپاراتى 89 ك م بيىكتىككە كوتەرىلە الدى، سودان كەيىن ول جەرگە قاراي قالىقتاپ قوندى. جەر اتموسفەراسىنىڭ عارىشپەن شەكاراسى 100 ك م بيىكتىكتە. قازىردىڭ وزىندە اقشاسى تولەنگەن بيلەتتەرى بار 600 گە جۋىق بولاشاق جولاۋشى عارىشپەن ونىڭ شەكاراسىنا ۇشۋ كەزەگىن كۇتۋدە.
ولاردىڭ اراسىندا تانىمال اكتەرلەر مەن مۋزىكانتتار بار. ءبىراق ولار بورتقا كىرمەس بۇرىن راكەتوپلان بارلىق قاجەتتى ليسەنزيالاردى الۋى كەرەك. بۇل وسى جىلدىڭ سوڭىنا دەيىن بولۋى ءتيىس. ليسەنزيالاۋ پروتسەسىن ا ق ش فەدەرالدى ازاماتتىق اۆياتسيا باسقارماسى (FAA) جۇزەگە اسىرادى، وعان سەنبىدە نيۋ- مەكسيكو ءشولىنىڭ ۇستىنەن ۇشۋ تۋرالى تەحنيكالىق مالىمەتتەر جىبەرىلەدى.
