14:53, 22 - مامىر 2021 | GMT +5
قىتايدا كولىك ءبىر توپ ادامدى قاعىپ كەتتى
داليان. شينحۋا - قازاقپارات - سەنبى كۇنى قىتايدىڭ سولتۇستىك- شىعىسىنداعى لياونين پروۆينسياسىندا كولىك جاياۋ جۇرگىنشىلەر توبىن قاعىپ كەتتى.
جول اپاتى سالدارىنان ءتورت ادام قازا تاۋىپ، ءۇش ادام جاراقات الدى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.
سەنبى كۇندى داليان قالاسىندا ساعات 11:47-دە ادامدار توبى كوشەدەن وتە بەرگەن كەزدە ولاردى قارا سەدان سوققان. ارتىنشا جۇرگىزۋشى وقيعا ورنىنان ءىزىن سۋىتقان، دەپ حابارلادى قالانىڭ قوعامدىق قاۋىپسىزدىك باسقارماسى. پوليسيا جۇرگىزۋشىنى ۇستادى. كەلەڭسىز جاعدايعا قاتىستى تەرگەۋ جالعاسۋدا.
