بيتكوين باعاسى تاعى تومەندەدى

نۇر- سۇلتان. قازاقپارات - بيتكوين ساۋدا سەسسياسى بارىسىندا 33,670 مىڭ ا ق ش دوللارىنا دەيىن (%17,12) تومەندەۋىن جەدەلدەتتى، دەپ حابارلايدى قازاقپارات Coindesk پورتالىنا سىلتەمە جاساپ.

سوڭعى مالىمەت بويىنشا، بيتكوين كۋرسى 35,754 مىڭ ا ق ش دوللارى (%11,99) دەڭگەيىندە بولدى. بيتكوين - كەز كەلگەن قولدانۋشى، جۇيە قاتىسۋشىسى «وندىرە» (اينالىسقا شىعارا) الاتىن بلوكچەين تەحنولوگياسى نەگىزىندەگى ءوزى اتتاس كريپتوۆاليۋتانىڭ ورتالىقسىزداندىرىلعان جۇيەسى. جۇيە كونتسەپتسياسىن 2008 -جىلدىڭ قاراشاسىندا ونىڭ اۆتورى (مۇمكىن اۆتورلار ۇجىمى) ساتوسي ناكاموتو جاريالادى.

بيتكويننىڭ تانىمالدىلىعى كەيىنگى جىلدارى ءوستى. ەسكە سالساق، وسى جىلدىڭ اقپان ايىندا بيتكويننىڭ باعاسى تاريحي ماكسيمۋمدى كورسەتىپ، $50,645 مىڭعا جەتكەن بولاتىن.