ەلوردا اۋەجايى جۋرناليستەر اراسىندا بايقاۋ جاريالادى

نۇر-سۇلتان. قازاقپارات - ەلورداداعى نۇرسۇلتان نازاربايەۆ اۋەجايى بۇقارالىق اقپارات قۇرالدارى وكىلدەرى اراسىندا شىعارماشىلىق بايقاۋ جاريالادى، دەپ حابارلايدى قازاقپارات ءتىلشىسى.

تىلشىلەر اراسىنداعى بايقاۋ ەل تاۋەلسىزدىگىنىڭ 30 جىلدىعى مەن ەلوردا اۋەجايىنىڭ 90 جىلدىق مەرەيتويىنا وراي ۇيىمداستىرىلىپ وتىر.

«بيىل ءبىزدىڭ اۋەجاي 90 جىلدىق مەرەيتويىن اتاپ وتۋدە. سونداي-اق، ايتۋلى داتا تاۋەلسىزدىگىمىزدىڭ 30 جىلدىعىنا تۇسپا-تۇس كەلىپ وتىر. وسى ورايدا ب ا ق وكىلدەرى مەن بلوگەرلەر اراسىندا ۇزدىك ماتەريالعا بايقاۋ جاريالايمىز. بىزگە قاراستى 2 كومپانيا اتالعان باستامانى قولداپ وتىر. باس جۇلدەگە ىستانبۇل (تۇركيا) مەن تاشكەنت (وزبەكستان) قالاسىنا 2 ادامعا ارنالعان جولداما بەرىلەدى. بايقاۋ ناتيجەسى مەن ونىڭ جەڭىمپازدارىن ب ا ق وكىلدەرى مەرەكەسى قارساڭىندا انىقتايتىن بولامىز»، - دەدى ەلوردا اۋەجايىنىڭ باسپا ءسوز حاتشىسى انۋار شالەكەنوۆ.

ايتا كەتسەك، بۇگىن ەلوردا اۋەجايىندا جولاۋشىلار ءۇشىن جاڭا قىزمەت ءتۇرى ىسكە قوسىلدى.