ەلىمىزدە ۆاكسينا العاندار اراسىندا ۇتىس ويىنى ويناتىلۋدا

الماتى. قازاقپارات - الماتىدا ۆاكسينا العاندار اراسىندا ۇتىس ويىنى ويناتىلىپ جاتىر، دەپ حابارلايدى قازاقپارات ءتىلشىسى.

2021 -جىلى 21-مامىردا Covid-19 ۆاكسيناسىنىڭ ءبىرىنشى كومپونەنتىن الاتىن قالا تۇرعىندارى ءۇشىن ۇتىس ويىنى باستالدى.

«ستروي سيتي»، «اقبۇلاق» ساۋدا ورتالىقتارى مەن «جىبەك جولى» بازارىندا كوروناۆيۋرسكە قارسى ۆاكسينانىڭ العاشقى كومپونەنتىن العاندار اراسىندا ۇتىس وينى ءوتىپ جاتىر. قاتىسۋشىلاردىڭ ەشقايسىسى ۇتىسسىز قالمايدى. ۆاكسينا الۋشىلاردىڭ «سپۋتنيك V» جانە «Hayat Vax» ەكپەلەرىنىڭ ءبىرىن تاڭداۋ مۇمكىندىگى بار»، - دەپ حابارلادى اكىمدىكتەن.

اكسيانىڭ باستى ماقساتى - پاندەميامەن كۇرەسۋ، حالىقتى ۇجىمدىق يممۋنيتەتتى قالىپتاستىرۋ ءۇشىن ۆاكسينا الۋعا ىنتالاندىرۋ. شارانى الاتاۋ اۋدانىنىڭ اكىمدىگى مەن سول اۋدانداعى مەديتسينالىق مەكەمەلەر ۇيىمداستىردى.

ايتا كەتەيىك، ۇتىس سىيلىقتارى اراسىندا شاڭسورعىش، ىدىس جيناعى، قىسقا تولقىندى پەش، شاش كەپتىرگىش جانە باسقا دا قاجەتتى زاتتار بار. اكسياعا بۇگىن كەشكى ساعات 17.00 دەيىن بولادى.