قازاقپارات قىزمەتكەرلەرى كوشەت وتىرعىزدى: ءار پورتالدىڭ ءوز اعاشى بار - فوتو

نۇر-سۇلتان. قازاقپارات - بۇگىن «قازاقپارات» ح ا ا» ا ق قىزمەتكەرلەرى نۇر-سۇلتان قالاسى ەسىل اۋدانى اكىمدىگىمەن بىرلەسىپ، استاناداعى جەلىلىك پاركتە (ءابۋ دابي پلازا كەشەنى مەن بوتانيكا باعى اراسىندا) اعاش وتىرعىزدى.

«قالامىزدىڭ ءاربىر تۇرعىنى ەلوردانى كوركەيتۋگە ات سالىسسا دەيمىز! سونىڭ ىشىندە سىزدەرمەن وسى اعاش وتىرعىزۋ اكتسياسىنا قاتىسقانىما ريزامىن. كوتەرىپ وتىرعان باستامالارىڭىز قۇتتى بولسىن! بۇل جەلىلىك پارك الداعى ايدا ءابۋ دابي كەشەنى مەن بوتانيكا باعىن جالعايتىن بولادى. تۇرعىندار مەن قالا قوناقتارىنىڭ دەمالىسىنا جايلى بولۋى ءۇشىن كوپ ۇلەس قوسا بەرەيىك»، - دەيدى ەسىل اۋدانىنىڭ اكىمى بەرىك جاكەنوۆ.

ايتا كەتەرلىگى، «قازاقپارات» حاا قىزمەتكەرلەرى وتىرعىزعان بۇل اعاشتار كومپانيانىڭ كەڭسەسىنەن الىس ەمەس. سوندىقتان دا «قازاقپارات» ح ا ا» ا ق باسقارما ءتوراعاسى اسقار ۋماروۆ قىزمەتكەرلەرىمىز بوس ۋاقىتتا دەمالعاندا، وسى پاركتەن ارى-بەرى وتكەندە، وزدەرى وتىرعىزعان اعاشقا قاراپ ءجۇرسىن دەگەن تىلەك ءبىلدىردى.

«بۇل اعاشتارعا عانا ەمەس، وسى پاركتىڭ تازالىعىنا، ادەمىلىگىنە بارشامىز جاۋاپتى بولايىق. وسىنداي مۇمكىندىك بەرگەنى ءۇشىن اكىمدىككە العىس ايتامىز. ەلوردامىز، ەلىمىز دە كوركەيە بەرسىن»، - دەدى باسقارما ءتوراعاسى.

ايتا كەتەيىك، اگەنتتىكتە 9 پورتال بار. ەندىگى كۇنى «قازاقپارات» ح ا ا» ا ق قۇرامىنداعى ءاربىر پورتالدىڭ اتاپ ايتقاندا، inform.kz، baigenews.kz، baq.kz، strategy2050.kz، adebiportal.kz، e-history.kz، primeminister.kz، el.kz، kaztube.kz ۆيدەو پورتالدارىنىڭ استانادا ءوز اتاۋلى اعاشى بار دەگەن ءسوز.

اكىمدىك مالىمەتىنە سايكەس، ءابۋ دابي پلازا كەشەنىنەن باستالاتىن جەلىلىك پارك بيىل بوتانيكالىق باقپەن قوسىلادى. سوندىقتان دا «قازاقپارات» ح ا ا قىزمەتكەرلەرى وتىرعىزعان اعاش كوشەتتەرى الداعى ۋاقىتتا ازاماتتار ءجيى كەلەتىن، دەمالىسقا ىڭعايلى ورىنعا اينالاتىنى ءسوزسىز.

اۆتور: قانات مامەتقازى ۇلى