13:01, 21 - مامىر 2021 | GMT +6
بيبىگۇل تولەگەنوۆا ۆاكسينا العاننان كەيىنگى جاعدايىن ايتتى
نۇر-سۇلتان. قازاقپارات - حالىق ءارتىسى بيبىگۇل تولەگەنوۆا ۆاكسينا العاننان كەيىنگى جاعدايىن ايتىپ بەردى.
بيبىگۇل تولەگەنوۆا «سپۋتنيك-V» ۆاكسيناسىنىڭ ەكى كومپونەنتىن دە العان. ول ۆاكسينانىڭ ەكىنشى دوزاسىن 14-مامىردا سالدىرعانىن ايتتى.
«مەن 14-مامىردا ۆاكسينانىڭ ەكىنشىسىن سالدىردىم. قۇدايعا شۇكىر ەش جەرىم اۋرىعان دا جوق، ەشتەڭە سەزگەم دە جوق»، دەدى بيبىگۇل تولەگەنوۆا.
سونداي-اق تانىمال وپەرا ءانشىسى قازىر ەلدەگى جاعداي قيىن ەكەنىن ايتىپ، بۇكىل حالىقتى جۇمىلا وتىرىپ ۆاكسينا الۋعا شاقىردى.
ايتا كەتەيىك، بۇعان دەيىن بيبىگۇل تولەگەنوۆانىڭ «سپۋتنيك-V» ۆاكسيناسىن سالدىرعانى حابارلانعان بولاتىن. بۇل تۋرالى جۋرناليست تۇرسىن قاليموۆا facebook-تەگى پاراقشاسىندا جازعان ەدى.