يزرايل مەن حاماس اراسىنداعى سوعىستى توقتاتۋ تۋرالى كەلىسىم كۇشىنە ەندى
ولاردىڭ كوپشىلىگى گازا سەكتورىندا، دەپ حابارلايدى قازاقپارات BBC - گە سىلتەمە جاساپ.
«مەن 11 كۇندىك اسكەري قيمىلداردان كەيىن بولعان گازا مەن يزرايل اراسىنداعى اتىستى توقتاتۋ تۋرالى شەشىمدى قۇپتايمىن جانە بارلىق تاراپتى اتىستى توقتاتۋ رەجيمىن ساقتاۋعا شاقىرامىن»، - دەدى ب ۇ ۇ باس حاتشىسى انتونيۋ گۋتەررەش جۋرناليستەرگە.
ا ق ش پرەزيدەنتى دجو بايدەن يزرايل پرەمەر- ءمينيسترى بينيامين نەتانياحۋمەن كەلىسسوزدەر جۇرگىزگەنىن جانە وعان بىتىمگەرشىلىك تۋرالى شەشىم قابىلداعانى ءۇشىن العىس ايتقانىن مالىمدەدى. بايدەن سونىمەن قاتار ا ق ش گازا سەكتورىنا شۇعىل گۋمانيتارلىق كومەك كورسەتۋ ءۇشىن ب ۇ ۇ- مەن بىرگە جۇمىس جاسايتىنىن جەتكىزدى.
ايتا كەتسەك، پالەستينا توپتارى مەن يزرايلدىك اسكەردىڭ ءبىر- بىرىنە وق جاۋدىرۋ 10 -مامىردا باستالدى. پالەستينا دەنساۋلىق ساقتاۋ مينيسترلىگىنىڭ مالىمەتىنشە، قازا بولعاندار سانى 250 ادامنان اسقان، ونىڭ 60 ى - بالالار. يزرايلدىك تاراپتان كەم دەگەندە 12 ادام قازا تاپتى. سونداي- اق، بۇعان دەيىن ءبىز يزرايل مەن پالەستينانىڭ حاماس اسكەري توبىنىڭ اراسىنداعى سوعىستى توقتاتۋ وسى جۇما كۇنى ءوز كۇشىنە ەنۋى مۇمكىن ەكەنى تۋرالى حابارلاعان بولاتىنبىز.
